സ്വാദിന്റെ രാജാവ്; കുട്ടനാടന്‍ ഞണ്ട് റോസ്റ്റ് തയ്യാറാക്കിയാലോ?

നാവില്‍ സ്വാദിന്റെ മേളം തീര്‍ക്കുന്ന വിഭവങ്ങളില്‍ ഒന്നാണ് ഞണ്ട്. ഞണ്ട് കറിയ്ക്കും റോസ്റ്റിനും ഫ്രൈയ്ക്കുമൊക്കെ എന്നും ആരാധകര്‍ ഏറെയാണ്. പ്രത്യേകിച്ച് കുട്ടനാടന്‍ ഞണ്ട് കറിയുടെ ആരാധകരായ ഒരു വിഭാഗമുണ്ട്. അടിപൊളി കുട്ടനാടന്‍ ഞണ്ട് റോസ്റ്റ് തയ്യാറാക്കിയാലോ….

ചേരുവകള്‍

1. ഞണ്ട് 1 കിലോ
2. ഉള്ളി (സവാള) – 3 എണ്ണം അരിഞ്ഞത്
3. തക്കാളി (വലുത്) -2 എണ്ണം
4. ചെറിയ ഉള്ളി 12 എണ്ണം
5. ഇഞ്ചി – ഒരു കഷ്ണം
6. വെളുത്തുള്ളി – 2 അല്ലി
7. വലിയ ജീരകം- 1 ടീസ്പൂണ്‍
8. 8, ഉലുവ -1 ടീസ്പൂണ്‍
9. വറ്റല്‍ മുളക് – 4 എണ്ണം
10. വെളിച്ചെണ്ണ – 2 ടേബിള്‍ സ്പൂണ്‍
11. പച്ച മുളക് 3 എണ്ണം
12. ഉപ്പ് ആവശ്യത്തിന്
13. കറി വേപ്പില ആവശ്യത്തിന്
14. മഞ്ഞള്‍ പൊടി 1/2 ടീസ്പൂണ്‍
15. കശ്മീരി ചില്ലി പൗഡര്‍ -1 ടേബിള്‍ സ്പൂണ്‍
16. കുരുമുളക് പൊടി 1 ടീസ്പൂണ്‍

തയ്യാറാക്കുന്ന വിധം

ഞണ്ട് നന്നായി വൃത്തിയാക്കി മാറ്റി വയ്ക്കുക.ആവശ്യത്തിന് ചുവന്നുള്ളി, പെരുംജീരകം, ചെറിയ ജീരകം, അല്‍പ്പം കറിവേപ്പില എന്നിവ ചതച്ചെടുക്കുക. അടികട്ടിയുള്ള ഒരു പാത്രം അടുപ്പില്‍ വച്ച് ആവശ്യത്തിന് എണ്ണ ഒഴിച്ചു ചൂടാക്കുക.അതിലേക്ക് ചതച്ചെടുത്തവ ചേര്‍ത്തു വഴറ്റുക. എരിവിനനുസരിച്ച് മുളകുപൊടി, അല്‍പ്പം മല്ലിപ്പൊടി, ഗരംമസാല, ആവശ്യത്തിന് ഉപ്പും ചേര്‍ത്തിളക്കി യോജിപ്പിക്കുക. തക്കാളി ചെറിയ കഷ്ണങ്ങളാക്കിയത് ചേര്‍ത്തു വഴറ്റുക.വെന്തു വരുമ്പോള്‍ വൃത്തിയാക്കി വച്ചിരിക്കുന്ന ഞണ്ട് ചേര്‍ക്കുക. അടച്ചു വച്ച് വേവിക്കുക. തിളച്ച് വെന്ത് കഴിഞ്ഞ് കുറച്ച് കറിവേപ്പിലയും വെളിച്ചെണ്ണയും ചേര്‍ത്ത് വറ്റിച്ച് അടുപ്പില്‍ നിന്നും മാറ്റാം. ചോറിനൊപ്പം കഴിച്ചു നോക്കൂ.