നിയമലംഘനം; സൗദി അറേബ്യയിൽ 17,153 പേർ അറസ്റ്റിൽ

സൗദി അറേബ്യയിൽ ഒരാഴ്ചയ്ക്കിടെ വിവിധ രാജ്യക്കാരായ 17,153 നിയമലംഘകർ അറസ്റ്റിലായി. ഇതിൽ 10,305 പേർ താമസ കുടിയേറ്റ നിയമം ലംഘിച്ചവരും 3,644 പേർ നുഴഞ്ഞുകയറ്റക്കാരും 3,204 പേർ തൊഴിൽ നിയമലംഘകരുമാണ്. ഇവരിൽ 62 % ഇത്യോപ്യക്കാരും 35 % യെമൻ പൗരന്മാരുമാണ്.ശേഷിക്കുന്ന 3% പേർ ഇന്ത്യ ഉൾപ്പെടെ മറ്റു രാജ്യക്കാരും.

നിയമലംഘകർക്ക് ജോലിയും അഭയവും യാത്രാ സൗകര്യവും ഒരുക്കുന്നവർക്ക് 15 വർഷം തടവും 10 ലക്ഷം റിയാൽ പിഴയുമാണ് ശിക്ഷ. നിയമലംഘകരെക്കുറിച്ച് മക്ക, റിയാദ് കിഴക്കൻ പ്രദേശങ്ങളിലുള്ളവർ 911 നമ്പറിലും മറ്റു ഭാഗങ്ങളിൽ ഉള്ളവർ 999, 996 നമ്പറിലും അറിയിക്കണം.