മോഹൻലാൽ ചിത്രം ‘തുടരും’ ആദ്യം ദിനം നേടിയത്…

മികച്ച അഭിപ്രായങ്ങൾ നേടി മുന്നേറുകയാണ് തരുൺ മൂർത്തി ചിത്രം തുടരും. മോഹൻ ലാലും ശോഭനയും പ്രധാന കഥാപാത്രങ്ങളെ അവതരിപ്പിച്ച സിനിമ കഴിഞ്ഞ ദിവസമാണ് തിയറ്ററുകളിൽ എത്തിയത്. സാക്നിൽക് വെബ്‌സൈറ്റ് റിപ്പോർട്ട് ചെയ്ത കണക്കുകൾ പ്രകാരം ആദ്യ ദിനം 5.25 കോടി രൂപയുടെ (ഇന്ത്യൻ നെറ്റ്) ബോക്സ് ഓഫിസ് കലക്ഷനാണ് ചിത്രം നേടിയത്.

മോഹൻലാലിന്‍റെ കരിയറിലെ 360-മത്തെ സിനിമയാണിത്. വർഷങ്ങൾക്ക് ശേഷം മോഹൻലാലും ശോഭനയും വീണ്ടും ജോഡിയായി അഭിനയിക്കുന്നു എന്ന പ്രത്യേകതയും ചിത്രത്തിനുണ്ട്. ടാക്സി ഡ്രൈവറുടെ വേഷത്തിലാണ് ചിത്രത്തിൽ മോഹൻലാൽ എത്തുന്നത്. ചിത്രം കണ്ട നിരവധി പ്രേക്ഷകർ മോഹൻലാലിന്‍റെ അഭിനയത്തെ അഭിനന്ദിച്ച് രംഗത്തെത്തിയിട്ടുണ്ട്.