പാലക്കാട്ട് യുവാവിനെ സുഹൃത്ത് വെട്ടിക്കൊലപ്പെടുത്തി

പാലക്കാട്: അമ്പലപ്പാറയില്‍ യുവാവിനെ സുഹൃത്ത് വെട്ടിക്കൊലപ്പെടുത്തി.കടമ്പഴിപ്പുറം സ്വദേശിയാണ് വെട്ടേറ്റ് മരിച്ചത്.കടമ്പഴിപ്പുറം സ്വദേശി രാമദാസ് (48) ആണ് മരിച്ചത്. സുഹൃത്തായ ഷണ്‍മുഖനാണ് (49) വെട്ടിയതെന്ന് പോലീസ് അറിയിച്ചു.

ഷണ്‍മുഖന്റെ കണ്ണമംഗലത്തെ വീട്ടില്‍വെച്ചാണ് ആക്രമണം നടന്നത്. ഗുരുതരമായ പരിക്കേറ്റ ഇയാളെ ഒറ്റപ്പാലത്തെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും മരിച്ചു.

മദ്യപിച്ചുണ്ടായ വാക്കുതര്‍ക്കമാണ് കൊലപാതകത്തില്‍ കലാശിച്ചത്.ഷണ്‍മുഖനെ ഒറ്റപ്പാലം പോലീസ് കസ്റ്റഡിയിലെടുത്തു.