മുംബൈ: നവീകരണ ജോലികൾക്കിടെ മതിൽ ഇടിഞ്ഞുവീണ് തൊഴിലാളിക്ക് ദാരുണാന്ത്യം. ഉല്ലാസ്നഗർ ക്യാമ്പ് നമ്പർ 5 ലെ ഒ.ടി. സെക്ഷനിൽ ബുധനാഴ്ചയായിരുന്നു സംഭവം. അവശിഷ്ടങ്ങൾക്കിടയിൽ കുടുങ്ങിയ ദ്യാനേശ്വര്‍ സോമങ്കർ എന്നയാളാണ് കൊല്ലപ്പെട്ടതെന്ന് തിരിച്ചറിഞ്ഞിട്ടുണ്ട്. സംഭവം പ്രദേശത്തെ നിർമ്മാണ സുരക്ഷയെക്കുറിച്ച് ആശങ്ക ഉയർത്തിയിട്ടുണ്ട്. നാട്ടുകാർ ചേർന്ന് ഇയാളെ ആശുപത്രിയിലെത്തിച്ചുവെങ്കിലും മരിച്ചിരുന്നു. ശരിയായ സുരക്ഷാ നടപടികൾ സ്വീകരിച്ചിരുന്നെങ്കിൽ ദുരന്തം സംഭവിക്കില്ലായിരുന്നുവെന്ന് മരിച്ചയാളുടെ കുടുംബം പ്രതികരിച്ചു.
മതിൽ പൊളിക്കുന്നതിന് മുമ്പ് ശരിയായ മുൻകരുതലുകൾ എടുക്കേണ്ടതായിരുന്നുവെന്നും, നിർമ്മാണ സ്ഥലങ്ങളിൽ കർശനമായ സുരക്ഷാ നടപടികളുടെ ആവശ്യകതയിലേക്കാണ് ഇത്തരം അപകടങ്ങൾ വിരൽ ചൂണ്ടുന്നതെന്നും ഒരു പ്രദേശവാസി പറഞ്ഞു. ‘കുടുംബത്തിന്റെ ഏക ആശ്രയമായിരുന്നു സോമങ്കർ. ശരിയായ സുരക്ഷാ നടപടികൾ സ്വീകരിച്ചിരുന്നെങ്കിൽ ഇത് സംഭവിക്കില്ലായിരുന്നു. അദ്ദേഹത്തിന്റെ കുടുംബത്തിന്റെ ഉത്തരവാദിത്തം ആര് ഏറ്റെടുക്കും’ കുടുംബ സുഹൃത്ത് കിരൺ കദം ചോദിച്ചു. ഹിൽ ലൈൻ പോലീസ് സ്റ്റേഷൻ അപകട മരണ റിപ്പോർട്ട് രജിസ്റ്റർ ചെയ്ത് അന്വേഷണം ആരംഭിച്ചു. ശരിയായ സുരക്ഷാ നടപടികൾ നിലവിലുണ്ടോ എന്നും സംഭവത്തിന് ഉത്തരവാദികളായ ആളുകളെ തിരിച്ചറിയുന്നുണ്ടെന്നും അധികൃതർ അന്വേഷിക്കുന്നുണ്ട്.
