വീണ്ടും ഹിറ്റ് ചരിത്രം തുടരാൻ ഡ്രാഗണ്‍ ഒടിടിയിലേക്ക്; ഔദ്യോഗിക പ്രഖ്യാപനം എത്തി

പ്രദീപ് രംഗനാഥൻ നായകനായി എത്തിയ ചിത്രമാണ് ഡ്രാഗണ്‍. ആഗോളതലത്തില്‍ ഡ്രാഗണ്‍ ഇതിനകം 146 കോടി നേടിയെന്ന റിപ്പോട്ടുകളാണ് പുറത്ത് വന്നിരുന്നത്. ഇപ്പോഴിതാ ചിത്രത്തിൻ്റെ ഒടിടി പ്രഖ്യാപനവും എത്തിയിക്കുകയാണ്. ചിത്രം മാര്‍ച്ച് 21ന് നെറ്റ്ഫ്ലിക്സിലൂടെ ഒടിടിയില്‍ എത്തും. ഇന്ത്യയില്‍ നിന്ന് മാത്രം 114.7 കോടി രൂപ ഡ്രാഗണ്‍ നേടിയെന്നാണ് റിപ്പോര്‍ട്ട് പുറത്ത് വരുന്നത്. അശ്വത് മാരിമുത്തുവിന്റെ സംവിധാനത്തില്‍ എത്തിയ ചിത്രത്തില്‍ അനുപമ പരമേശ്വരനാണ് നായികയായി എത്തിയത്.

അതേസമയം ലവ് ടുഡേ എന്ന ഹിറ്റിന് ശേഷം പ്രദീപ് രംഗനാഥൻ നായകനായി എത്തിയ ചിത്രമാണ് ഡ്രാഗണ്‍. പ്രദീപ് രംഗനാഥൻ എഴുതി സംവിധാനം ചെയ്‍ത് പ്രധാന വേഷത്തില്‍ എത്തിയ ലൗവ് ടുഡേ നിര്‍മിച്ച എജിഎസ് എന്റര്‍ടെയ്‍ൻമെന്റ് തന്നെയാണ് ഡ്രാഗണും നിര്‍മിച്ചിരിക്കുന്നത്. സംവിധായകൻ ഗൗതം വാസുദേവ് മേനോനൊപ്പം ചിത്രത്തില്‍ മിഷ്‍കിൻ കെ എസ് രവികുമാര്‍, കയാദു ലോഹര്‍, മുരുഗേശൻ, വി ജെ സിന്ധു, ഇന്ദുമതി എന്നിവരും ചിത്രത്തില്‍ എത്തിയിരുന്നു.