സ്പോര്‍ട്സ് ഡ്രാമ ചിത്രം ‘ടെസ്റ്റ്’ ; നയൻതാരയുടെ ക്യാരക്ടര്‍ ടീസര്‍ പുറത്ത്

നയൻതാര നായികയായി എത്തുന്ന ചിത്രമാണ് ടെസ്റ്റ്. ഒരു സ്പോര്‍ട്സ് ഡ്രാമയാണ് നയൻതാര ചിത്രം എന്നാണ് റിപ്പോര്‍ട്ട് പറയുന്നത്. നയന്‍താരയ്‍ക്കൊപ്പം, മാധവന്‍, സിദ്ധാര്‍ത്ഥ്, മീര ജാസ്മിന്‍ എന്നിവരാണ് ചിത്രത്തില്‍ എത്തുന്നത്. ഇപ്പോഴിതാ ചിത്രത്തിലെ നയൻതാരയുടെ ക്യാരക്ടര്‍ ലുക്ക് ടീസര്‍ പുറത്ത് വിട്ടിരിക്കുകയാണ്. വൈ നോട്ട് പ്രൊഡക്ഷന്‍ മേധാവിയായ നിര്‍മ്മാതാവ് ശശികാന്ത് ആദ്യമായി സംവിധാനം ചെയ്യുന്ന ചിത്രമാണ് ദ ടെസ്റ്റ്. ചിത്രത്തിന്‍റെ രചനയും ശശികാന്തിന്റേത് തന്നെയാണ്. ഗായിക ശക്തിശ്രീ ഗോപാല്‍ ആണ് ചിത്രത്തിന്‍റെ സംഗീതം നിർവ്വഹിച്ചിരിക്കുന്നത്. ചിത്രത്തിൻ്റെ ഛായാഗ്രാഹനം വിരാജ് സിന്‍ഹാണ് നിർവ്വഹിക്കുന്നത്.

അതേസമയം നയൻതാര നായികയായ ചിത്രങ്ങളില്‍ ഒടുവില്‍ എത്തിയ അന്നപൂരണി ചര്‍ച്ചയായി മാറിയിരുന്നു. അന്നപൂരണിയില്‍ നയൻതാര ഒരു ഷെഫ് കഥാപാത്രമായി വേഷമിട്ടത് ശ്രദ്ധയാകര്‍ഷിച്ചിരുന്നു എന്നാണ് റിപ്പോര്‍ട്ടുകൾ പറയുന്നത്. മികച്ച പ്രതികരണമായിരുന്നു ചിത്രത്തിന് ലഭിച്ചതെന്നാണ് റിപ്പോര്‍ട്ടുകള്‍ സൂചിപ്പിച്ചത്. നയൻതാരയെ നായികയാക്കി നിലേഷ് കൃഷ്‍ണ സംവിധാനം ചെയ്‍ത ചിത്രമാണ് അന്നപൂരണി. നയൻതാര പ്രധാന കഥാപാത്രമായി വരാനിരിക്കുന്ന ചിത്രം മണ്ണാങ്കട്ടി സിൻസ് 1960 ചിത്രീകരണം പൂര്‍ത്തിയായിട്ടുണ്ട്. ചിത്രത്തിൻ്റെ സംവിധാനം ഡ്യൂഡ് വിക്കിയാണ് നിർവ്വഹിക്കുന്നത്. ചിത്രത്തിൽ ഗൗരി കിഷൻ, ദേവദര്‍ശനി, നരേന്ദ്ര തുടങ്ങിയവരും നയൻതാരയ്‍ക്കൊപ്പം പ്രധാന വേഷങ്ങളിൽ എത്തുന്നുണ്ട്.