ഷഹബാസി​ന്റെ മരണം തലയോട്ടി തകർന്ന്; നിർണ്ണായക കണ്ടെത്തലുമായി പോസ്റ്റ്മോർട്ടം റിപ്പോർട്ട് പുറത്ത്

കൊല്ലപ്പെട്ട മുഹമ്മദ് ഷഹബാസി​ന്റെ പോസ്റ്റ്മോർട്ടം റിപ്പോർട്ടിൽ നിർണ്ണായക കണ്ടെത്തൽ. കട്ടിയേറിയ ആയുധം കൊണ്ടുള്ള അടിയേറ്റ് വലതു ചെവിയുടെ മുകളിലായി തലയോട്ടി തകർന്നിരുന്നു. നെഞ്ചിനേറ്റ മർദ്ദനത്തിൽ അന്തരിക രക്ത സ്രവം ഉണ്ടായതായും, ചെവിയുടെ പിന്നിലും, കണ്ണിലും മർദ്ദനമേറ്റതായും പോസ്റ്റ്മോർട്ടത്തിൽ കണ്ടെത്തി.
കോഴിക്കോട് താമരശ്ശേരിയിൽ പത്താം ക്ലാസ് വിദ്യാർത്ഥി മുഹമ്മദ് ഷഹബാസ് ക്രൂര മർദ്ദനമേറ്റ് ചികിത്സയിലിരിക്കെ ഇന്ന് പുലർച്ചെ ഒരുമണിയോടെ മരണത്തിന് കീഴടങ്ങുകയായിരുന്നു.