വിവസ്ത്രരാക്കി കവർച്ച ; പ്രതികൾ അറസ്റ്റിൽ

വർക്കല: കാപ്പിൽ ബീച്ചിൽ യുവാക്കളെ ആക്രമിച്ച് വിവസ്ത്രരാക്കിയ ശേഷം മൊബൈൽ ഫോണും പണവും കവർന്ന കേസിൽ മൂന്നുപേർ പിടിയിൽ. ഇടവ വെൺകുളം ജാസിം മൻസിലിൽ ജാഷ് മോൻ (32) , പാപനാശം പാറവിള വീട്ടിൽ വിഷ്ണു (31), വെൺകുളം കാട്ടുവിള രാജധാനി വീട്ടിൽ നന്ദുരാജ് (29)എന്നിവരാണ് അറസ്റ്റിലായത്.

ഇക്കഴിഞ്ഞ ചൊവ്വാഴ്ച ഉച്ചയോടെ ചെമ്മരുതി സ്വദേശികളായ ബിജോയ് (19),നന്ദു (18) എന്നിവരെ മദ്യലഹരിയിലായിരുന്ന സംഘം തടഞ്ഞുനിറുത്തി മർദ്ദിക്കുകയും ബിയർ ബോട്ടിൽ പൊട്ടിച്ച് കഴുത്തിനു ചേർത്തുപിടിച്ച് ഭീഷണിപ്പെടുത്തി മൊബൈൽ ഫോണും പണവും മറ്റു രേഖകളുമടങ്ങിയ പഴ്സും കൈക്കലാക്കിയ സംഘം യുവാക്കളെ വിവസ്ത്രരാക്കിയെന്നും പരാതിയിൽ പറയുന്നു. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.