പത്താന് ശേഷം വീണ്ടും സിദ്ധാർഥ് ആനന്ദിനോടൊപ്പം ഹിറ്റ് അടിക്കാൻ ഒരുങ്ങി ഷാറൂഖ്

പത്താൻ എന്ന ഹിറ്റ് ചിത്രത്തിനു ശേഷം ‘കിങ്’ എന്നു പേരിട്ട പുതിയ ചിത്രത്തിനായി സിദ്ധാർഥ് ആനന്ദുമായി താൻ വീണ്ടും ഒരുമിക്കുന്നുവെന്ന് കഴിഞ്ഞ ദിവസം ദുബായിലെ ഗ്ലോബൽ വില്ലേജിൽ നടന്ന സ്റ്റേജ് ഷോക്കിടെ ഷാറൂഖ് വെളിപ്പെടുത്തിയിരുന്നു.

ചൈന ഒഴിച്ചു​ള്ള സ്ഥലങ്ങളിൽനിന്ന് 1000 കോടിയെന്ന വൻ ലക്ഷ്യത്തിലേക്ക് പണം വാരിയ ആദ്യ ചിത്രമാണ് പത്താൻ. ഒരൊറ്റ ഭാഷയിൽ ആയിരം കോടി കടന്ന ആദ്യ ചിത്രം, തുടങ്ങി ബോക്സോഫീസിൽ അതുവരെ കണ്ട പല ചരി​ത്രങ്ങളും തിരുത്തിയെഴുതിയായിരുന്നു പത്താന്റെ പടപ്പുറപ്പാട്.

അതേസമയം 2026ൽ കിങ് റിലീസ് ചെയ്യാനാണ് ലക്ഷ്യമിടുന്നത്. അഭിഷേക് ബച്ചനും ചിത്രത്തിൽ പ്രധാന വേഷം ചെയ്യു​ന്നുണ്ടെന്നാണ് റി​പ്പോർട്ട്. പത്താൻ സൃഷ്ടിച്ചതുപോലൊരു തരംഗം ബോളിവുഡിൽ സൃഷ്ടിക്കാനാണ് കിങ്ങിലൂടെ ഷാറൂഖും സിദ്ധാർഥും ഉന്നമിടുന്നത്.