അതിക്രമിച്ച് കയറി നായാട്ടിന് ശ്രമിച്ച സംഘത്തിലെ മൂന്ന് പേർ കീഴടങ്ങി

ഇടുക്കി: തോക്കുമായി അതിക്രമിച്ച് കയറി നായാട്ടിന് ശ്രമിച്ച സംഘത്തിലെ മൂന്ന് പേർ മുറിഞ്ഞപുഴ വനം വകുപ്പ് ഓഫീസിൽ എത്തി കീഴടങ്ങി. റിസർവ് വനത്തിൽ തോക്കുകളുമായി അതിക്രമിച്ച് കയറിയ മാത്യു സി എം, സൈജു, സനീഷ്, എന്നിവരാണ് ഡെപ്യൂട്ടി റേഞ്ച് ഓഫീസർ സുനിൽ കുമാറിന് മുമ്പിൽ കീഴടങ്ങിയത്.

ജനുവരി 13ന് പെരുവന്താനം പുറക്കയംവടകര വീട്ടിൽ ഡൊമനിക് ജോസഫ് (53) നാടൻ തോക്കുമായി അറസ്റ്റിലായിരുന്നു. ഇയാളുടെ കൂട്ടാളികളാണ് ഇപ്പോൾ കീഴടങ്ങിയ മൂന്നുപേരും. വനം വകുപ്പിന്റെ കോട്ടയം ഡിവിഷനിലെ എരുമേലി റെയിഞ്ചിൽ പെട്ട മുറിഞ്ഞപുഴ സ്റ്റേഷൻ പരിധിയിലെ റാന്നി റിസർവ് വനത്തിലാണ് 4 പേർ അതിക്രമിച്ച് കയറിയത്. ഇവരെ അറസ്റ്റ് ചെയ്ത് മജിസ്ട്രേറ്റിന് മുമ്പിൽ ഹാജരാക്കി റിമാൻഡ് ചെയ്തു.