പോക്സോ കേസ് പ്രതിക്ക് കഠിനതടവും പിഴയും

അടൂർ : പ്രായപൂർത്തിയാകാത്ത പെൺകുട്ടിയോട് ലൈംഗികാതിക്രമം കാണിച്ച കേസിൽ പ്രതിക്ക് കഠിനതടവും പിഴയും.പെരിങ്ങനാട് പാറക്കൂട്ടം തറയിൽ പുത്തൻവീട്ടിൽ രാധാകൃഷ്ണപിള്ളയെ (59) ആണ് അടൂർ ഫാസ്റ്റ് ട്രാക്ക് കോടതി ആറുവർഷം കഠിനതടവിനും 10000 രൂപ പിഴയും വിധിച്ചത്.

പിഴത്തുക അടച്ചാൽ തുക അതിജീവിതയ്ക്ക് നൽകാൻ ജില്ലാ ലീഗൽ സർവീസ് അതോറിറ്റിക്ക് നിർദേശം നൽകി. 2024 ജൂണിലാണ് സംഭവം നടന്നത്. അന്ന് ഏനാത്ത് സബ് ഇൻസ്പെക്ടർ ആയിരുന്ന വിജിത്ത് കെ.നായർ രജിസ്റ്റർ ചെയ്ത കേസിൽ സബ് ഇൻസ്പെക്ടർ അജികുമാറാണ് അന്വേഷണം പൂർത്തിയാക്കിയത്.