മമ്മൂട്ടിയുടെ ലുക്കുള്ള എനിക്കെത്ര സ്ത്രീധനം കിട്ടും ? ‘ബെസ്റ്റി’യുടെ ടീസര്‍ കാണാം

കുടുംബപ്രേഷകർക്കായി അഷ്‌കര്‍ സൗദാന്‍, ഷഹീന്‍ സിദ്ദിഖ്, സാക്ഷി അഗര്‍വാള്‍ എന്നിവരെ പ്രധാന കഥാപാത്രങ്ങളാക്കി ഷാനു സമദ് രചനയും സംവിധാനവും നിര്‍വ്വഹിക്കുന്ന ചിത്രമാണ് ബെസ്റ്റി. സിനിമയുടെ ടീസര്‍ പുറത്തിറങ്ങി. ബെന്‍സി പ്രൊഡക്ഷന്‍സിന്റെ ബാനറില്‍ കെ.വി അബ്ദുള്‍ നാസര്‍ നിര്‍മ്മക്കുന്ന ചിത്രം ജനുവരി 24ന് തീയേറ്റതീയേറ്ററിൽ എത്തും. ഷാനു സമദ് ആണ് ചിത്രത്തിന്റെ തിരക്കഥ, സംഭാഷണം ഒരുക്കി സംവിധാനം ചെയ്യുന്നത്.

സുരേഷ് കൃഷ്ണ, സുധീര്‍ കരമന, ജോയ് മാത്യു, ജാഫര്‍ ഇടുക്കി, ഗോകുലന്‍, സാദ്ദിഖ്, ഹരീഷ് കണാരന്‍, നിര്‍മല്‍ പാലാഴി, അബു സലിം, ഉണ്ണി രാജ, നസീര്‍ സംക്രാന്തി, അപ്പുണ്ണി ശശി, സുന്ദര പാണ്ട്യന്‍, കലാഭവന്‍ റഹ്‌മാന്‍, അംബി, തിരു, ശ്രവണ, സോന നായര്‍, മെറീന മൈക്കിള്‍, അംബിക മോഹന്‍, ക്രിസ്റ്റി ബിന്നെറ്റ്, ശ്രീയശ്രീ, മനോഹരിയമ്മ, അന്ന ചാക്കോ, പ്രതിഭ പ്രതാപ് ചന്ദ്രന്‍, ദീപ, സന്ധ്യ മനോജ് തുടങ്ങിയവരാണ് മറ്റ് പ്രമുഖ താരങ്ങള്‍. ഔസേപ്പച്ചന്‍ ഒരുക്കുന്ന പാട്ടുകള്‍ക്ക് ഒപ്പം പഴയ ഹിറ്റ് മാപ്പിള പാട്ടുകളും ഈ സിനിമയുടെ പ്രത്യേകതയാണ്. പാര്‍ക്കിംഗ് എന്ന കഴിഞ്ഞ വര്‍ഷത്തെ ഹിറ്റ് തമിഴ് സിനിമയുടെ ഛായാഗ്രാഹകനായ ജിജു സണ്ണി ബെസ്റ്റിയുടെ ക്യാമറ കൈകാര്യം ചെയ്യുന്നു.