വരിതെറ്റിച്ചു; ആര്യനാട് ബിവറേജിന് മുന്നിൽ സംഘർഷം

തിരുവനന്തപുരം: ബിവറേജസിന് മുന്നിൽ മദ്യം വാങ്ങാൻ വന്നവർ തമ്മിൽ സംഘർഷം. ആര്യനാട് ബിവറേജസിനു മുന്നിൽ മദ്യം വാങ്ങുന്നതിന് വരി നിൽക്കുന്നതിനിടയിൽ വരിതെറ്റിച്ച് ഒരാൾ മദ്യം വാങ്ങാൻ ശ്രമിച്ചതാണ് സംഘർഷത്തിനിടയാക്കിയത്. ഇത് അവിടെയുണ്ടായിരുന്നവർ ചോദ്യം ചെയ്യുകയും, അത് സംഘർഷത്തിൽ കലാശിക്കുകയുമായിരുന്നു.

മദ്യം വാങ്ങാൻ എത്തിയ ആളുടെ സുഹൃത്തുക്കൾ സ്ഥലത്തുണ്ടായിരുന്നു. ഇവർ കൂടി പ്രശ്നത്തിൽ ഇടപെട്ടതോടെ സംഘർഷം രൂക്ഷമായി. സംഘർഷം ഉണ്ടായതിനെ തുടർന്ന് ബിവറേജസ് ജീവനക്കാർ പൊലീസിനെ വിവരം അറിയിക്കുകയായിരുന്നു. ആര്യനാട് പൊലീസ് സ്ഥലത്തെത്തിയതോടെ അക്രമം നടത്തിയവർ രക്ഷപ്പെട്ടു. അക്രമത്തിൽ 2പേർക്ക് ചെറിയ പരിക്കേറ്റിട്ടുണ്ട്. പരിക്കേറ്റവരെ അടുത്തുള്ള ആശുപത്രിയിൽ പ്രവേശിപിച്ചു.