ഓടിക്കൊണ്ടിരിക്കുന്നതിനിടെ കാറിന് തീപിടിച്ചു

പാലക്കാട് : ഓടിക്കൊണ്ടിരിക്കുന്നതിനിടെ കാറിന് തീപിടിച്ചു. ചൊവ്വാഴ്ച രാവിലെ 11.30-ഓടെ സ്റ്റേഡിയം ബൈപ്പാസിലായിരുന്നു അപകടം ഉണ്ടായത്. തിരുവാലത്തൂർ സ്വദേശി ജ്യോതിഷാണ് കാറോടിച്ചിരുന്നത്.

പുക ഉയരുന്നതുകണ്ടതോടെ വണ്ടിനിർത്തി ജ്യോതിഷ് കാറിൽ നിന്ന് ഇറങ്ങിയോടി. കാറിന്റെ ഉൾഭാഗം പൂർണമായും കത്തിനശിച്ചു. ജ്യോതിഷും സമീപത്തുള്ള കടക്കാരുംചേർന്നാണ് തീയണച്ചത്. പാലക്കാട് സൗത്ത് പോലീസും സ്ഥലത്തെത്തി.

കാർ കുറച്ചുദിവസമായി ഉപയോഗിച്ചിട്ടില്ല. കഴുകുന്നതിനായി കൊണ്ടുപോകുന്നതിനിടെയാണ് തീപിടിച്ചതെന്നും ജ്യോതിഷ് പറഞ്ഞു. അപകടസമയത്ത് മറ്റാരും കാറിൽ ഇല്ലാതിരുന്നതിനാൽ വൻ അപകടം ഒഴിവായി.