മദ്യലഹരിയില്‍ ട്രെയിനില്‍ ബഹളമുണ്ടാക്കി, ചോദ്യം ചെയ്ത പോലീസുകാരനെ മർദിച്ചു

കോട്ടയം: മദ്യലഹരിയെ തുടർന്ന് ട്രെയിനിൽ ബഹളം ഉണ്ടക്കുകയും അത് ചോദ്യം ചെയ്ത പോലീസുകാരനെ മർദിക്കുകയും ചെയ്ത സംഭവത്തിൽ യുവാക്കളെ പോലീസ് അറസ്റ്റ് ചെയ്തു. കന്യാകുമാരി സ്വദേശി സ്റ്റെഫിന്‍ ജോസ് (21) നെയ്യാറ്റിന്‍കര സ്വദേശി ജോഷ്വാ വര്‍ഗീസ് എന്നിവരാണ് പിടിയിലായത്. ഇവരെ കോട്ടയം റെയില്‍വേ പോലീസ് ആണ് അറസ്റ്റ് ചെയ്തത്. ബുധനാഴ്ച്ച പരശുറാം എക്‌സ്പ്രസിലായിരുന്നു യുവാക്കളുടെ അതിക്രമം. മുഖത്ത് മര്‍ദനമേറ്റ സി.പി.ഒ അനില്‍ കുമാര്‍ ചികിത്സതേടി.