നിയന്ത്രണംവിട്ട കാർ വീടിന്റെ മതിലിടിച്ച് അപകടം

പട്ടിക്കാട് : പട്ടിക്കാട്-വടപുറം സംസ്ഥാന പാതയിലെ തച്ചിങ്ങനാടം ബാങ്ക് പടിയിൽ വാഹനാപകടം. നിയന്ത്രണംവിട്ട കാർ വീടിന്റെ മതിലിടിച്ച് തകർത്തു. കാറിലുണ്ടായിരുന്ന പാണ്ടിക്കാട് സ്വദേശികളായ ദമ്പതിമാർക്ക് അപകടത്തിൽ പരിക്കേറ്റു.

ചൊവ്വാഴ്ച പകൽ രണ്ടരയോടെയാണ് അപകടം ഉണ്ടായത്. സമീപത്തെ കടയുടെ വരാന്തയിലൂടെ കയറിയാണ് കാർ മതിലിലിടിച്ചത്. ഈ സമയം ഇവിടെ ആളുകളില്ലാത്തത് ദുരന്തം ഒഴിവാക്കി.

റബ്ബറൈസ് ചെയ്ത ഇവിടെ റോഡ് നേർ രേഖയായതിനാൽ അമിത വേഗത്തിലാണ് വാഹനങ്ങൾ സഞ്ചരിക്കുന്നത്. വീതി കുറഞ്ഞ റോഡിലൂടെ അമിത വേഗതയിൽ വന്നതാണ് കാരണമാകുന്നത്.