കൊണ്ടോട്ടിയിൽ സ്വകാര്യബസ് ഡ്രൈവറെ ഓട്ടോറിക്ഷ ഡ്രൈവർ വടിവാൾ കാണിച്ച് ഭീഷണി, പരാതി

മലപ്പുറം: കൊണ്ടോട്ടിയിൽ സ്വകാര്യബസ് ഡ്രൈവറെ ഓട്ടോറിക്ഷ ഡ്രൈവർ വടിവാൾ കാണിച്ച് ഭീഷണിപ്പെടുത്തിയതായി പരാതി. കൊണ്ടോട്ടി കോട്ടപ്പുറത്ത് ഇന്നലെ വൈകിട്ട് 4 മണിക്കാണ് സംഭവമുണ്ടായത്. പിന്നിൽ വന്ന ബസിന് സൈഡ് കൊടുക്കാതെയായിരുന്നു ഓട്ടോറിക്ഷ ഓടിച്ചിരുന്നത്. ബസിൻ്റെ ഹോൺ മുഴക്കിയപ്പോഴാണ് ഡ്രൈവറെ വാൾ കാണിച്ച് ഭീഷണിപ്പെടുത്തിയത്. ഓട്ടോറിക്ഷ ഡ്രൈവറെ കണ്ടെത്താൻ പൊലീസ് ശ്രമം തുടങ്ങി.