കാറിലെത്തിയ സംഘം രണ്ട് യുവാക്കളെ വെട്ടി പരിക്കേൽപിച്ചു

പാലക്കാട്: കാറിലെത്തിയ സംഘം രണ്ട് യുവാക്കളെ വെട്ടി പരിക്കേൽപിച്ചു . കടമ്പഴിപ്പുറത്ത് കാറിലെത്തിയ സംഘമാണ് യുവാക്കളെ വെട്ടിപ്പരിക്കേല്‍പ്പിച്ചത് . കടമ്പഴിപ്പുറം സ്വദേശികളായ ടോണി, പ്രസാദ് എന്നിവരെയാണ് വെട്ടിയത് . സുഹൃത്തുക്കളായ ഇരുവരും സ്‌കൂട്ടറില്‍ സഞ്ചരിക്കുന്നതിനിടയിൽ കാറിലെത്തിയ സംഘം തടഞ്ഞുനിര്‍ത്തി ഇവരെ ആക്രമിക്കുകയായിരുന്നു.

വ്യാഴാഴ്ച പുലര്‍ച്ചെയായിരുന്നു സംഭവം നടന്നത് . ടോണിയും പ്രസാദും കടമ്പഴിപ്പുറത്തുനിന്ന് വെങ്ങശ്ശേരിയിലേക്ക് പോവുകയായിരുന്നു . പരിക്കേറ്റ ടോണിയെ തൃശ്ശൂര്‍ മെഡിക്കല്‍ കോളേജ് ആശുപത്രിയിലേക്ക് മാറ്റി. സംഭവത്തില്‍ ശ്രീകൃഷ്ണപുരം പോലീസ് അന്വേഷണം ആരംഭിച്ചിട്ടുണ്ട് .