ദുബായിലും അബുദാബിയിലും ചൂട് കൂടും

യുഎഇയിൽ പൊതുവെ തെളിഞ്ഞതും ഭാഗികമായി മേഘാവൃതവുമായ കാലാവസ്ഥയായിരിക്കുമെന്ന് ദേശീയ കാലാവസ്ഥാ കേന്ദ്രം (എൻസിഎം) അറിയിച്ചു. ഉച്ചകഴിഞ്ഞ് കിഴക്കൻ മേഖലകളിൽ മേഘങ്ങൾ ദൃശ്യമായേക്കും. ഇന്ന് രാത്രിയും ഞായറാഴ്ച രാവിലെയും ചില തീരപ്രദേശങ്ങളിൽ ഈർപ്പം വർധിക്കാൻ സാധ്യതയുണ്ട്.

മണിക്കൂറിൽ 10-20 കിലോമീറ്റർ വേഗത്തിൽ നേരിയതോ മിതമായതോ ആയ തെക്കുപടിഞ്ഞാറൻ മുതൽ വടക്കുപടിഞ്ഞാറൻ കാറ്റ് പ്രതീക്ഷിക്കുന്നു. ചില സമയങ്ങളിൽ കാറ്റിന്റെ വേഗം മണിക്കൂറിൽ 35 കിലോമീറ്റർ വരെ എത്താൻ സാധ്യതയുണ്ട്. കടൽ പൊതുവെ ശാന്തമായിരിക്കും. അറബിക്കടലിലും ഒമാൻ കടലിലും നേരിയ തിരമാലകൾ മാത്രം പ്രതീക്ഷിക്കാം.