ടെക്സാസിൽ മിന്നൽ പ്രളയത്തിൽ മരിച്ചവരുടെ എണ്ണം 50 കടന്നു

വാഷിങ്ടൺ: ടെക്സാസിൽ മിന്നൽ പ്രളയത്തിൽ മരിച്ചവരുടെ എണ്ണം 50 കടന്നു. 51 പേർ പ്രളയത്തിൽ മരിച്ചുവെന്നാണ് റിപ്പോർട്ട്. മേഖലയിൽ കാണാതായവർക്കായി വലിയ തിരച്ചിലാണ് നടക്കുന്നത്. മരിച്ചവരിൽ 15 പേർ കുട്ടികളാണെന്നാണ് വിവരം.

15 ഇഞ്ച് മഴയാണ് മേഖലയിൽ പെയ്തിറങ്ങിയത്. ഇതോടെ വലിയ രീതിയിൽ ജലം ഗുഡാലുപെ നദിയിലേക്ക് ഒഴുകയെത്തുകയായിരുന്നു. നദിയിലെ ജലനിരപ്പ് 29 അടി വരെ ഉയർന്നിരുന്നു. കനത്ത മഴ സംബന്ധിച്ച് കൃത്യമായ മുന്നറിയിപ്പ് നൽകുന്നതിൽ കാലാവസ്ഥ വകുപ്പ് പരാജയപ്പെട്ടുവെന്ന് യു.എസ് ഹോംലാൻഡ് സെക്രട്ടറി ക്രിസ്റ്റി നോം. മുന്നറിയിപ്പ് സംവിധാനം കൂടുതൽ ശക്തമാക്കുമെന്നും അദ്ദേഹം അറിയിച്ചു.