കാസർകോടിൽ ടാങ്കർ ലോറിയിൽ വാതകച്ചോർച്ച

കാസർകോട്: കാസർകോടിൽ ടാങ്കർ ലോറിയിൽ വാതകച്ചോർച്ച.ഹൊസ്ദുർഗിലെ സംസ്ഥാന പാതയിൽ വാതകച്ചോർച്ച കണ്ടെത്തിയതിനെ തുടർന്ന് ടാങ്കർ ലോറി വഴിയിൽ കുറേ നേരം നിർത്തിയിട്ടു. ഹൊസ്ദുർഗ് താലൂക്ക് ചിത്താരി വില്ലേജിൽ ഹിമായത്തുൽ ഇസ്‌ലാം സ്കൂളിന് എതിർവശത്തുള്ള റോഡിലാണ് ലോറി വാതക ചോർച്ചയെ തുടർന്ന് നിർത്തിയിട്ടത്.

അഗ്നിരക്ഷാസേനയും പോലീസിനെയും വിവരം അറിയിച്ചതിനെ തുടർന്ന് ഇവർ സ്ഥലത്തെത്തി ചോർച്ച അടക്കാൻ ശ്രമം നടത്തി . അതേസമയം പൊലീസ് പ്രദേശത്തെ സ്ഥിതിഗതികൾ നിയന്ത്രിച്ചു . അതോടെപ്പം വാഹനങ്ങൾ കടന്നുപോകുന്നത് തടഞ്ഞു. കാഞ്ഞങ്ങാടുനിന്നു വരുന്ന വാഹനങ്ങളെ മടിയൻ നിന്ന് വഴി തിരിച്ചുവിടുകയായിരുന്നു