ജിഎസ്ടി വകുപ്പിന്റെ നേതൃത്വത്തിൽ 101 കേന്ദ്രങ്ങളില്‍ വ്യാപക റെയ്ഡ്

തിരുവനന്തപുരം: ജിഎസ്ടി വകുപ്പിന്റെ നേതൃത്വത്തിൽ വ്യാപക റെയ്ഡ്. ജിഎസ്ടി വകുപ്പിന് കീഴിലെ ഇന്റലിജൻസ്, എൻഫോഴ്സ്മെന്റ് വിഭാഗങ്ങളുടെ കീഴിലാണ് പരിശോധന നടക്കുന്നത്. 101 കേന്ദ്രങ്ങളിലായി 350 ഉദ്യോഗസ്ഥരുടെ നേതൃത്വത്തിലാണ് ഒരേ സമയം പരിശോധന നടത്തുന്നത്. പുലർച്ചെ അഞ്ചുമണിക്ക് ആരംഭിക്കുന്ന പരിശോധന ഇപ്പോഴും തുടരുകയാണ് .

വ്യാജ ജിഎസ്ടി രജിസ്ട്രേഷൻ അനധികൃത വ്യാപാരം നടത്തുന്ന സ്ഥാപനങ്ങൾ കേന്ദ്രീകരിച്ചാണ് റെയ്ഡ് നടത്തുക . 1200 കോടി രൂപയുടെ മറവിൽ വ്യാജ ജിഎസ് ടി രജിസ്ട്രേഷനിലൂടെവ്യാപാരം നടന്നതായി ജി എസ് ടി അധികൃതർ വ്യക്തമാക്കി. പാലക്കാട് ഓങ്ങല്ലൂരിലെ സ്ക്രാപ് ഗോഡൗണുകളിലും പരിശോധന നടത്തി വരുകയാണ് . വിവിധ ഇടങ്ങളിൽ നിന്ന് നിരവധി പേർ കസ്റ്റഡിയിലായതായിട്ടാണ് ലഭിക്കുന്ന സൂചന.