കാലിക്കറ്റ് സര്‍വ്വകലാശാല അക്കാദമിക് കൗണ്‍സില്‍ തിരഞ്ഞെടുപ്പ്; അതീവ സുരക്ഷയിൽ വോട്ടെണ്ണല്‍ ആരംഭിച്ചു

കോഴിക്കോട്: കാലിക്കറ്റ് സര്‍വ്വകലാശാല അക്കാദമിക് കൗണ്‍സില്‍ തിരഞ്ഞെടുപ്പ് അതീവ സുരക്ഷയിൽ വോട്ടെണ്ണല്‍ ആരംഭിച്ചു. സംഘര്‍ഷത്തെത്തുടര്‍ന്ന് നിര്‍ത്തി വെച്ച കാലിക്കറ്റ് സര്‍വകലാശാലാ അക്കാമദിക് കൗണ്‍സില്‍ തിരഞ്ഞെടുപ്പിലെ വോട്ടെണ്ണലാണ് ആരംഭിച്ചത് . പൊലീസ് സുരക്ഷയിൽ ഇന്ന് രാവിലെ പത്തര മുതല്‍ സെനറ്റ് ഹൗസില്‍ ആരംഭിച്ച വോട്ടെണ്ണല്‍ നടന്ന് കൊണ്ടിരിക്കുവാണ് .

കഴിഞ്ഞ വ്യാഴാഴ്ച രാത്രി നടത്തിയ വോട്ടെണ്ണലില്‍ എം എസ് എഫ് സ്ഥാനാര്‍ത്ഥിയായ അസിം തെന്നലക്കായിരുന്നു കൂടുതല്‍ വോട്ടുകള്‍ കിട്ടിയത് . എന്നാല്‍ എസ് എഫ്ഐ ഇതിനെ എതിർത്ത് കൊണ്ട് മുന്നോട്ട് വന്നതിനാൽ റീ കൗണ്ടിംഗ് നടത്താന്‍ തീരുമാനിക്കുകയായിരുന്നു. അപ്പോൾ സംഘർഷം രൂക്ഷമായതോടെ വീണ്ടും വോട്ടെണ്ണൽ നിര്‍ത്തി വെക്കുകയായിരുന്നു .