കേരള പോസ്റ്റൽ സർക്കിൾ ചീഫ് പോസ്റ്റ്മാസ്റ്റർ ജനറലായി ജെ.ടി. വെങ്കിടേശ്വരലു ചുമതലയേറ്റു

കേരള പോസ്റ്റൽ സർക്കിൾ ചീഫ് പോസ്റ്റ്മാസ്റ്റർ ജനറലായി ജെ.ടി. വെങ്കിടേശ്വരലു ചുമതലയേറ്റു. ഹയർ അഡ്മിനിസ്ട്രേറ്റീവ് ഗ്രേഡിലേക്ക് (എച്ച്എജി) സ്ഥാനക്കയറ്റം ലഭിച്ചതിനെ തുടർന്നാണ് പുതിയ പദവിയിലേക്കുള്ള പ്രവേശനം.

1994 ബാച്ചിലെ ഇന്ത്യൻ പോസ്റ്റൽ സർവീസ് ഓഫീസറായ ശ്രീ ജെ.ടി. വെങ്കിടേശ്വരലു തെലങ്കാനയിലെ ഭദ്രാചലം സ്വദേശിയാണ്. പോസ്റ്റൽ സർവീസ് (എച്ച്ക്യു) തമിഴ്നാട് സർക്കിൾ ഡയറക്ടർ, തമിഴ്നാട് സെൻട്രൽ റീജിയൻ ട്രിച്ചി പോസ്റ്റ്മാസ്റ്റർ ജനറൽ,  മെയിൽസ് & ബിഡി തമിഴ്നാട് സർക്കിൾ പോസ്റ്റ്മാസ്റ്റർ ജനറൽ എന്നീ ചുമതലകൾ അദ്ദേഹം നേരത്തെ വഹിച്ചിട്ടുണ്ട്.

എച്ച്എജിയിലേക്ക് സ്ഥാനക്കയറ്റം ലഭിക്കുന്നതിന് മുമ്പ് ഇന്ത്യാ ഗവൺമെന്റിന്റെ പെട്രോളിയം, പ്രകൃതി വാതക മന്ത്രാലയത്തിന് കീഴിലുള്ള ചെന്നൈ പെട്രോളിയം കോർപ്പറേഷൻ ലിമിറ്റഡിൽ (സിപിസിഎൽ) ചീഫ് വിജിലൻസ് ഓഫീസറായി ഡെപ്യൂട്ടേഷനിൽ സേവനമനുഷ്ഠിച്ചിട്ടുണ്ട്.