കുമരകത്ത് കാറിന്റെ മരണപ്പാച്ചിൽ : നാട്ടുകാർ ആശങ്കയിൽ

കുമരകം : കുമരകത്ത് കാറിന്റെ മരണപ്പാച്ചിൽ. ആശങ്കയിൽ നാട്ടുകാർ. . കുമരകം ജംക്‌ഷനിൽ ഇന്നലെ രാത്രി 9നാണ് സംഭവം നടന്നത് . സംഭവത്തിൽ തമിഴ്നാട് റജിസ്ട്രേഷനുള്ള കാറാണ് മരണപ്പാച്ചിൽ നടത്തിയത് . അമിതവേഗത്തിൽ അട്ടിപ്പീടിക റോഡിലൂടെ വന്ന കാർ കുമരകം റോഡിലേക്ക് തിരിയുന്ന ഭാഗത്തെ മൈൽ കുറ്റിയിൽ ഇടിച്ചു കയറിയ ബോട്ട് ജെട്ടി ഭാഗത്തേക്ക് ഓടിച്ചു പോയി. കുറെ സമയം കഴിഞ്ഞു വീണ്ടും ജംക്‌ഷൻ ഭാഗത്ത് കൂടി പോയ കാർ പല വാഹനത്തിലും ഇടിച്ചു തകരാറിലാക്കി .

ജംക്‌ഷനിൽ നിന്നു കിഴക്കോട്ട് പോയ കാർ കോണത്താറ്റ് പാലം പണിയുന്ന ഭാഗത്തേക്ക് പോയി വിടുന്ന്‌ . മുന്നോട്ട്പോകാൻ കഴിയാതെ വന്നതോടെ അവിടെ നിർത്തിയ സമയത്ത് പൊലീസും നാട്ടുകാരും ചേർന്ന് തടഞ്ഞു. കാർ ഓടിച്ചിരുന്നയാൾ കാറിന്റെ ചില്ല് ഉയർത്തി വച്ചിരുന്നതിനാൽ ആളെ പിടികൂടാൻ കഴിഞ്ഞില്ല. എന്നിട്ട് കുറച്ച് സമയത്തിനുള്ളിൽ നാട്ടുകാരും പൊലീസും ചേർന്നു ഡ്രൈവറെ പുറത്തിറക്കി സ്റ്റേഷനിലേക്ക് കൊണ്ടു പോയി.പിന്നീട് കാർ നാട്ടുകാരും പൊലീസും ചേർന്ന് തള്ളി സ്റ്റേഷനിൽ കൊണ്ടുപോയി .