കരടികൾ ഷോക്കേറ്റ് ചത്തു: ജില്ലയിൽ ഇത് ആദ്യസംഭവമെന്ന് വനം വകുപ്പ്; പോസ്റ്റ്മോർട്ടം ഇന്ന്

പാലക്കാട്: പാലക്കാട് ജില്ലയിൽ ഇതാദ്യമാണ് കരടികൾ ഷോക്കേറ്റ് മരിക്കുന്നത് എന്ന് വനം വകുപ്പ്. ഇന്നലെയാണ് കരടികളുടെ ജഡം ധോണിയിലെ വനവകുപ്പിന്റെ ഫോറസ്റ്റ് ക്യാമ്പിലേക്ക് മാറ്റിയത് . പാലക്കാട് കഞ്ചിക്കോട് അയ്യപ്പൻമലയിൽ ഇന്നലെ ഉച്ചയ്ക്ക് രണ്ടരയോടെയാണ് വൈദ്യുതി ലൈനിൽ നിന്ന് ഷോക്കേറ്റ് ചത്ത നിലയിൽ കരടികളെ കണ്ടത്. പന്നികരടി വിഭാഗത്തിൽപ്പെട്ട 12,3 വയസ്സുകൾ ഉള്ള കരടികളാണ് ചത്തത്. കരടികളുടെ പോസ്റ്റ്മോർട്ടം ഇന്ന് നടത്തും. ചീഫ് വെറ്റിനറി സർജൻ ഡോ.ഡേവിഡ് എബ്രഹാമിന്റെ നേതൃത്വത്തിലാണ് പോസ്റ്റ്മോർട്ടം നടത്തുവാൻ പോകുന്നത്.