കലിക്കറ്റ് സര്‍വകലാശാലയ്ക്ക് ചരിത്രനേട്ടം ; റെക്കോർഡ് വേഗത്തിൽ ബിരുദഫലം പ്രസിദ്ധീകരിച്ചു

മലപ്പുറം : ബിരുദഫലം റെക്കോർഡ് വേഗത്തിൽ പ്രസിദ്ധീകരിച്ച് ചരിത്രനേട്ടo സ്വന്തമാക്കി കലിക്കറ്റ് സര്‍വകലാശാല. ആറാം സെമസ്റ്റര്‍ ബിരുദപരീക്ഷാഫലമാണ് 23 പ്രവൃത്തിദിവസം കൊണ്ട് പ്രഖ്യാപിച്ച് ചരിത്രം കുറിച്ചിരിക്കുന്നത് . ഈ ഒരു നേട്ടം കലിക്കറ്റിന് ചരിതനേട്ടമെന്ന് ഉന്നതവിദ്യാഭ്യാസ മന്ത്രി ഡോ. ആർ. ബിന്ദു പറഞ്ഞു.

നിരവധി വിദ്യാര്‍ഥികൾ പരീക്ഷയ്ക്കിരുത്തുന്ന കലിക്കറ്റ് സര്‍വകലാശാല പരീക്ഷാനടപടിക്രമങ്ങളിൽ മാറ്റം വരുത്തിയാണ് ഈ നേട്ടം നേടാൻ സാധിച്ചത്. ഫാള്‍സ് നമ്പറിങ് ഒഴിവാക്കാന്‍ ഉത്തരക്കടലാസിലെ ബാര്‍കോഡിങ്, ക്യാമ്പുകളിലേക്ക് ഉത്തരക്കടലാസെത്തിക്കാന്‍ തപാല്‍വകുപ്പുമായി സഹകരണം, മാര്‍ക്ക് രേഖപ്പെടുത്താന്‍ ആപ്പ്, ഉത്തരക്കടലാസുകള്‍ സുരക്ഷിതമായി സൂക്ഷിക്കാനും
പുനര്‍മൂല്യനിര്‍ണയത്തിനായി എളുപ്പത്തില്‍ തിരിച്ചെടുക്കാനും ഡിജിറ്റല്‍ സ്റ്റോറേജ്, സെന്റര്‍ ഫോര്‍ എക്‌സാം ഓട്ടോമേഷന്‍ ആന്റ് മാനേജ്‌മെന്റ് സംവിധാനം എന്നിവയിലൂടെയാണ് സർവകലാശാലക്ക്
ഈ നേട്ടം നേടാൻ കഴിഞ്ഞത്.

സാങ്കേതികവിദ്യയുo, അധ്യാപകരും ജീവനക്കാരും ചേർന്ന് അവരുടെ ജോലികള്‍ കൃത്യമായി ചെയ്തതിനാൽ ഫലപ്രഖ്യാപനo വേഗത്തിൽ ആകാൻ സഹായിച്ചു .അധ്യാപകരേയും ജീവനക്കാരെയും മന്ത്രി പ്രേത്യകം അഭിനന്ദിച്ചു. ഫലം സര്‍വകലാശാലാ വെബ്‌സൈറ്റില്‍ ലഭ്യമാണ്. ജൂണ്‍ ആദ്യവാരത്തോടെ ഗ്രേഡ് കാര്‍ഡ് വിതരണം തുടങ്ങുമെന്ന് ചെയ്തു മന്ത്രി പറഞ്ഞിട്ടുണ്ട് .