കൊഴിഞ്ഞാമ്പാറയില്‍ സ്‌നേഹാരാമങ്ങള്‍ ഒരുങ്ങുന്നു

പാലക്കാട്: മാലിന്യമുക്തം നവകേരളം പദ്ധതിയുടെ ഭാഗമായി കൊഴിഞ്ഞാമ്പാറ ഗ്രാമപഞ്ചായത്തിലെ വാര്‍ഡ് 16 നാട്ടുകല്‍, വാര്‍ഡ് 18 കരുവപ്പാറ എന്നിവടങ്ങളില്‍ സ്‌നേഹാരാമങ്ങള്‍ ഒരുങ്ങുന്നു.

കൊഴിഞ്ഞാമ്പാറ സെന്റ് പോള്‍സ് ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ് ക്യാമ്പിന്റെ ഭാഗമായാണ് വിദ്യാര്‍ത്ഥികള്‍ സ്‌നേഹാരാമങ്ങള്‍ ഒരുക്കുന്നത്. മാലിന്യങ്ങള്‍ വലിച്ചെറിഞ്ഞ് കാടുപിടിച്ച ഈ ഭാഗങ്ങള്‍ വൃത്തിയാക്കി പൂന്തോട്ടവും വിശ്രമിക്കുന്നതിനായുള്ള ഇരിപ്പിടവും സജ്ജീകരിക്കുകയാണ് ലക്ഷ്യം. നിലവില്‍ എന്‍.എസ്.എസ് വിദ്യാര്‍ത്ഥികള്‍ രണ്ട് സ്ഥലങ്ങളും വൃത്തിയാക്കി.

അടുത്ത ദിവസങ്ങളിലായി വിവിധ തരം പൂച്ചെടികളും തണല്‍ മരതൈകളും നട്ടുപിടിപ്പിച്ച് പൂന്തോട്ടവും ഇരിപ്പിടവും സജ്ജീകരിക്കും.