ശബരിമലയിൽ പുല്ലുമേട് വഴി അയ്യപ്പനെ ദർശിക്കാൻ എത്തിയത് 6598 ഭക്തർ

ശബരിമല : ഈ മണ്ഡലകാലത്ത് പുല്ലുമേടുവഴി ദർശനത്തിനെത്തിയത് 6598 പേർ. ചൊവ്വാഴ്ച ഉച്ചവരെയുള്ള കണക്കാണിത്. പമ്പയിലേതുപോലെ സ്പോട്ട് ബുക്കിങ്‌ സംവിധാനം ഇവിടെയും പ്രവർത്തിക്കുന്നുണ്ട്. സത്രം, പുല്ലുമേട് വഴിയുള്ള തീർഥാടകരുടെ യാത്രയ്ക്ക് വനംവകുപ്പാണ് സൗകര്യങ്ങൾ ഒരുക്കുന്നത്. കുടിവെള്ളവും അടിയന്തരസേവന സൗകര്യങ്ങളും പാതയിലുടനീളം ഒരുക്കിയിട്ടുണ്ട്.

അതേസമയം സന്നിധാനത്തും പമ്പയിലും നിലയ്ക്കലും ഒരേസമയം പരിശോധന സ്ക്വാഡുകളെ വിന്യസിച്ച് എക്സൈസ് വകുപ്പ് പരിശോധന ശക്തമാക്കുന്നു. വരുംദിവസനങ്ങളിൽ കൂടുതൽ സംയുകത റെയ്‌ഡുകൾ സംഘടിപ്പിക്കുമെന്ന് എക്സൈസ് അധികൃത വ്യക്തമാക്കി.