നിർത്തിയിട്ട വാഹനം നിയന്ത്രിക്കാൻ ശ്രമിച്ച യുവാവിന്റെ മുകളിലൂടെ വാഹനം കയറിയിറങ്ങി ,യുവാവ് മരിച്ചു

വാളകം :∙ കുന്നയ്ക്കാലിൽ വീടിനു സമീപം പാർക്ക് ചെയ്തിരുന്ന വാഹനം ദേഹത്തുകൂടി കയറിയിറങ്ങിയതു മൂലം യുവാവ് മരിച്ചു . വാളകം കുന്നയ്ക്കാൽ തേവർമഠത്തിൽ നന്ദുവാണ് (21) വാഹനം നിയന്ത്രിക്കാൻ ശ്രമിക്കുന്നതിനിടെ മരണപ്പെട്ടത് . വ്യാഴാഴ്ച ഉച്ചയ്ക്ക് 12 മണിയോടെയായിരുന്നു സംഭവം. ഓട്ടം കഴിഞ്ഞെത്തിയ നന്ദു വീടിനു സമീപo വാഹനം പാർക്ക് ചെയ്‌തു തിരികെ വീട്ടിലേക്ക് നടന്നുപോകുന്നതിനിടെയാണ് അപകടം സംഭവിച്ചത് . വാഹനം നിരങ്ങിനീങ്ങുന്നത് കണ്ട നന്ദു
വാഹനം നിയന്ത്രിക്കാൻ ശ്രമിച്ചപ്പോൾ വാഹനത്തിന് അടിയിൽപ്പെടുകയും വാഹനം ദേഹത്തുകൂടി കയറി ഇറങ്ങിപോയി.

അതിനുശേഷം വീടിനും വാഹനം പാർക്ക് ചെയ്യുന്ന സ്ഥലത്തിനും ഇടയിലുള്ള തോട്ടിലേക്ക് വീണ നന്ദുവിന്റെ മുകളിലേക്ക് വാഹനവും വീണു . സംഭവം കണ്ട് ഓടിയെത്തിയ നാട്ടുകാർ വാഹനം
നീക്കാൻ സാധിച്ചില്ല. പിന്നീട് ജെസിബിയുടെ സഹായത്തോടെയാണ് വാഹനം മാറ്റിയത്. ഉടൻ തന്നെ മൂവാറ്റുപുഴയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും മരിച്ചിരുന്നു . മൂവാറ്റുപുഴ പൊലീസും ഫയർഫോഴ്സും സ്ഥലത്തെത്തി നടപടി സ്വീകരിച്ചിയിട്ടുണ്ട്