ചൂടിന് ആശ്വാസമായി ; കോഴിക്കോട്ടും വയനാട്ടിലും മഴ പെയ്‌തു

കോഴിക്കോട് : ചൂടിൽ ആശ്വാസമായി കോഴിക്കോട് ജില്ലയിൽ കനത്ത മഴപെയ്‌തു . പുലർച്ചെയോടെ ശക്തമായി പെയ്‌ത മഴ രാവിലെ 11 വരെ പെയ്തു. കോഴിക്കോടിന്റെ മലയോര പ്രദേശമായ താമരശ്ശേരി, പുതുപ്പാടി, കോടഞ്ചേരി, കട്ടിപ്പാറ പഞ്ചായത്തുകളിലും നല്ല മഴ ലഭിച്ചു. രാത്രിയിൽ ആരംഭിച്ച മഴ കുറഞ്ഞങ്ങളിലും 11 വരെ ചെറിയ തോതിൽ ചാറ്റലുണ്ടായിരുന്നു. ജില്ലയിൽ എല്ലായിടത്തും കഴിഞ്ഞ രാത്രി മഴ കിട്ടി .

വയനാട്ടിൽ പലയിടത്തും തിങ്കളാഴ്ച വൈകിട്ട് മുതൽ മഴ പെയ്യുന്നുണ്ടായിരുന്നു. ചില സ്ഥലങ്ങളിൽ ചൊവ്വാഴ്ച
പുലർച്ചെയാണു മഴ ആരംഭിച്ചത്. ഉച്ചവരെ ചാറ്റലുണ്ടായിരുന്നു എങ്കിലും ശക്തമായ ഇടിമിന്നലോ കാറ്റോ ഉണ്ടാകാതിരുന്നതിനാൽ അനിഷ്ട സംഭവങ്ങൾ ഒന്നും റിപ്പോർട്ട് ചെയ്തില്ല . ഇനി വരും ദിവസങ്ങളിലും മഴ ലഭിക്കുമെന്നാണ് പ്രതീക്ഷിക്കുന്നതെന്ന് കാലാവസ്ഥാ കേന്ദ്രം അറിയിച്ചു