മലയോര ഹൈവേയിൽ വാഹനാപകടം : ഒരാൾക്ക് പരിക്ക്

തിരുവമ്പാടി : മലയോര ഹൈവേയിലെ പൊന്നാങ്കയം സ്കൂളിന് സമീപത്തായി ഇന്നലെ വൈകിട്ട് കാർ നിയന്ത്രണം വിട്ട് മതിലിൽ ഇടിച്ചു . പുല്ലൂരാംപാറയിൽ നിന്നു കൂടരഞ്ഞി ഭാഗത്തേക്ക് പുറപ്പെട്ട കാർ കുന്നേൽ സിജോയുടെ വീടിന്റെ മതിലിലേക്ക് ഇടിച്ചുകയറുകയായിരുന്നു . അപകടത്തിൽ കൂടരഞ്ഞി വീട്ടിപ്പാറ ചേക്കാക്കുഴിയിൽ ജിജിക്ക് പരുക്കേറ്റിട്ടുണ്ട് . വിവരം അറിയിച്ചതിനെ തുടർന്ന് തിരുവമ്പാടി പൊലീസും മുക്കം ഫയർഫോഴ്സും സ്ഥലത്തെത്തി.അപകടത്തെ തുടർന്ന് റോഡിലേയ്ക്കു വീണ ഓയിൽ ഫയർ ഫോഴ്സ് കഴുകി വൃത്തിയാക്കി.