സ്കൂട്ടറിൽ സഞ്ചരിച്ച് മദ്യക്കച്ചവടം ചെയ്‌ത മുൻ കേസുകളിൽ പ്രതിയായ അബ്കാരി വീണ്ടും പിടിയിൽ

മാന്നാർ: സ്കൂട്ടറിൽ സഞ്ചരിച്ച് മദ്യക്കച്ചവടം നടത്തി നിരവധി കേസുകളിൽ പ്രതിയായ അബ്കാരി ചെന്നിത്തല തൃപ്പെരുംന്തുറ പടിഞ്ഞാറെ വഴി നെടിയത്ത് വീട്ടിൽ ശിവപ്രകാശിനെ എക്സൈസ് സംഘം
വീണ്ടും അറസ്റ്റ് ചെയ്തു .ഞായറാഴ്ച രാത്രി എട്ടുമണിയോടെ മാവേലിക്കര എക്സൈസ് റേഞ്ച് പാർട്ടി
സ്ട്രൈക്കിംഗ് ഫോഴ്സ് ഡ്യൂട്ടിയുടെ ഭാഗമായി നടത്തിയ റെയ്ഡിലാണ് ചെന്നിത്തല കോട്ടമുറി ഭാഗത്ത് ഇന്ത്യൻ നിർമ്മിത വിദേശമദ്യത്തിന്റെ കച്ചവടം നടത്തുകയായിരുന്ന പ്രതിയെ പിടികൂടിയത് .എക്സൈസ് റേഞ്ച് ഇൻസ്പെക്ടർ പി.എസ്. കൃഷ്ണ രാജും എന്നിവർ ചേർന്ന സംഘമാണ് പിടികൂടിയത് .

തൊണ്ടിയായി എക്സൈസ് സംഘം ഹോണ്ട ആക്ടീവ ഗ്രേസ് സ്കൂട്ടറും, ഒരു ലിറ്റർ ഇന്ത്യൻ നിർമ്മിതവിദേശ മദ്യവും, കച്ചവടത്തിലൂടെ ലഭിച്ച 22,150 രൂപയും കസ്റ്റഡിയിലെടുത്തിട്ടുണ്ട് .കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. അസിസ്റ്റന്റ് എക്സ്സൈസ് ഇൻസ്‌പെക്ടർ വി. രമേശൻ, പ്രിവൻറ്റീവ് ഓഫീസർ( ജി) പി. ആർ.ബിനോയ്‌ ,സിവിൽ എക്സൈസ് ഓഫീസർമാരായ ജി.ശ്യാം,ടി.ഡി.ദീപു ,പി.പ്രതീഷ് എന്നിവർ
റെയ്ഡിൽ പങ്കെടുത്തിട്ടുണ്ടായി .