കാട്ടാന ശല്യം രൂക്ഷO, ഭീതിയിൽ ജനങ്ങൾ

കട്ടപ്പന : കാഞ്ചിയാർ പഞ്ചായത്ത് പരിധിയിലുള്ള കോവിൽമല പാമ്പാടിക്കുഴി, മറ്റപ്പള്ളിക്കവല തുടങ്ങിയ പ്രദേശങ്ങളിൽ ഭീതിപരത്തി കാട്ടാനക്കൂട്ടം .പാമ്പാടിക്കുഴിയിൽ എത്തിയ കാട്ടാനകൾ കൃഷിസ്ഥലം ആക്രമിച്ചു .പാമ്പാടിക്കുഴി കാലായിൽ രാജപ്പൻ, കണക്കൽ സണ്ണി, കിണറ്റുങ്കൽ തങ്കമ്മ, ഈന്തനാൽ ജോർജ് എന്നിവരുടെ കൃഷിയിടങ്ങളാണ് നശിപ്പിച്ചത് .പടക്കം പൊട്ടിച്ചും ബഹളമുണ്ടാക്കിയും ആനകളെ നാട്ടുകാർ തുരത്തിയത് .ആനകൾ എത്തിയ വിവരം ലഭിച്ചതിനെത്തുടർന്ന് വനപാലകർ എത്തി പരിശോധന നടത്തി .
എന്നാൽ ആനകൾ കൃഷിയിടങ്ങളിലേക്ക് വരുന്നത് തടയാനുള്ള യാതൊരു നടപടികളും സ്വീകരിക്കുന്നില്ല എന്നാണ് നാട്ടുകാർ പറയുന്നത്