കരമന അഖിൽ വധക്കേസിലെ മുഖ്യപ്രതി പിടിയിൽ; ബാക്കിയുള്ളത് ഒരാൾ കൂടി

തിരുവനന്തപുരം : കരമന അഖിൽ വധക്കേസിൽ മുഖ്യപ്രതി പിടിയിൽ. വിനീതാണ് പിടിയിലായത്. കൊല്ലപ്പെട്ട അഖിലിനെ വിനീത് കല്ലുകൊണ്ട് തലക്കടിക്കുന്നത് നേരത്തെ പുറത്ത് വന്ന സിസിടിവി ദൃശ്യങ്ങളിൽ വ്യക്തമായിരുന്നു. കരമന അനന്തു വധകേസിലും വിനീത് പ്രതിയാണ്. ചെങ്കൽ ചൂളയിൽ നിന്നാണ് പ്രതിയെ പിടികൂടിയത്. ബാറിൽ വിനീതും- അഖിലും തമ്മിൽ വഴക്കുണ്ടായിരുന്നു. കൊലാതകത്തിലെ മുഖ്യ പ്രതിയാണ് വിനീത്. ഇനി കേസിൽ ഒരാളെ കൂടി പിടികൂടാനുണ്ട്.