ബംഗാളിൽ സിപിഎം നേതൃത്വത്തിലുള്ള ഇടതുമുന്നണി ഭരണമായിരുന്നു ഭേദമെന്ന് കേന്ദ്ര ആഭ്യന്തരമന്ത്രി അമിത് ഷാ

കൊൽക്കത്ത ∙ ബംഗാളിൽ സിപിഎം നേതൃത്വത്തിലുള്ള ഇടതുമുന്നണി ഭരണമായിരുന്നു ഭേദമെന്ന് കേന്ദ്ര ആഭ്യന്തരമന്ത്രി അമിത് ഷാ. മമത ബാനർജിയുടെ സർക്കാരിനേക്കാൾ നല്ലത് ഇടതുമുന്നണി ഭരണമായിരുന്നുവെന്ന് ബംഗാളിലെ ജനങ്ങൾ പറയുന്നതായി ബിജെപിയുടെ സമൂഹമാധ്യമ, ഐടി വിഭാഗത്തിലെ പ്രവർത്തകർക്കു വേണ്ടിയുള്ള യോഗത്തിൽ അമിത് ഷാ പറഞ്ഞു.പൗരത്വ നിയമ ഭേദഗതി നടപ്പാക്കുന്നത് തടയാൻ ആർക്കും കഴിയില്ലെന്നും അമിത് ഷാ പറഞ്ഞു.