മലയാളി ഒമാനിൽ ഹൃദയാഘാതം മൂലം മരിച്ചു

മസ്കറ്റ്: മലയാളി ഒമാനിൽ ഹൃദയാഘാതം മൂലം മരിച്ചു. ആലപ്പുഴ ചെങ്ങന്നൂർ വെൺമണി താഴം കണ്ണങ്ങാട്ട് ഹൗസിൽ രാധാകൃഷ്ണൻ പിള്ളയുടെ മകൻ രാജേഷ് രാധാകൃഷ്ണൻ (40) ആണ് മസ്കറ്റിലെ റൂവിയിൽ മരിച്ചത്.

റൂവിയിൽ പ്രമുഖ റസ്റ്റോറന്‍റ് ഗ്രൂപ്പിൽ സീനിയർ അക്കൗണ്ടന്റായി ജോലി ചെയ്ത് വരികയായിരുന്നു രാജേഷ് രാധാകൃഷ്ണൻ. മാതാവ്: പരേതയായ വിജയലക്ഷ്മി അമ്മ, ഭാര്യ: സൗമ്യ ചന്ദ്രൻ, മക്കൾ: ദക്ഷിത്, ദക്ഷിത. സഹോദരങ്ങൾ: ജയകൃഷ്ണൻ, രശ്മി രാധാകൃഷ്ണൻ. മൃതദേഹം തുടർനടപടികൾക്ക് ശേഷം നാട്ടിൽ കൊണ്ടുപോയി ശനിയാഴ്ച വൈകിട്ട് മൂന്നുമണിക്ക് വെൺമണിയിലുള്ള വസതിയിൽ സംസ്കരിക്കുമെന്ന് ബന്ധപ്പെട്ടവർ അറിയിച്ചു.