രാജ്യത്തുടനീളം ചാര്‍ജിംഗ് സ്റ്റേഷനുകള്‍; ടിപിഇഎം – ഷെല്‍ കരാര്‍ ഒപ്പുവച്ചു

കൊച്ചി: രാജ്യത്തുടനീളം ചാര്‍ജിംഗ് സ്റ്റേഷനുകള്‍ സ്ഥാപിക്കുന്നതുമായി ബന്ധപ്പെട്ട് ഇലക്ട്രിക് വാഹന മേഖലയില്‍ രാജ്യത്തെ മുന്‍നിര കമ്പനിയായ ടാറ്റ പാസഞ്ചര്‍ ഇലക്ട്രിക് മൊബിലിറ്റി ലി. (ടിപിഇഎം) ഷെല്‍ ഇന്ത്യ മാര്‍ക്കറ്റ്സ് പ്രൈവറ്റ് ലി.(എസ്ഐഎംപിഎല്‍)മായി കരാര്‍ ഒപ്പുവച്ചു. രാജ്യത്തെ 1.4 ലക്ഷത്തിന് മുകളിലുള്ള ഓണ്‍ റോഡ് ടാറ്റ ഇവികളുടെ ഇന്ധന ആവശ്യകതമനസ്സിലാക്കുവാനും അതിലൂടെ ചാര്‍ജിംഗ് സ്റ്റേഷനുകള്‍ ഏറ്റവും കൂടുതല്‍ ആവശ്യമുള്ള സ്ഥലങ്ങള്‍ തിരിച്ചറിയുവാനും ടിപിഇഎംന് സാധിക്കും. ഷെല്ലിന്റെ വിപുലമായ ഇന്ധന വിതരണ ശൃംഖല ഈ കൂട്ടായ്മയിലൂടെ ശക്തപ്പെടുത്തും. രാജ്യത്തെ ഇവി ഉപഭോക്താക്കളുടെ ഉപഭോക്തൃ അനുഭവം കൂടുതല്‍ മികവുറ്റതാക്കിക്കൊണ്ട് കൂടുതല്‍ പേരെ ഇവിയിലേക്ക് ആകര്‍ഷിക്കുകയാണ് ഇരു കമ്പനികളുടേയും കരാറിലൂടെ ലക്ഷ്യമാക്കുന്നത്. സൗകര്യപ്രദമായ പെയ്മെന്റ് സംവിധാനവും ഉപഭോക്താക്കള്‍ക്കുള്ള ലോയല്‍റ്റി പ്രോഗ്രാമുകളും കരാറിന്റെ ഭാഗമാണ്.