പത്തനംതിട്ടയിലും ഇടുക്കിയിലും കാട്ടാന ആക്രമണം; യുവാക്കൾ പരുക്ക്

പത്തനംതിട്ട: പത്തനംതിട്ടയിലും ഇടുക്കിയിലും കാട്ടാനയുടെ ആക്രമണം. പത്തനംതിട്ട സീതത്തോട്ടിൽ യുവാക്കൾക്കു നേരെയായിരുന്നു കാട്ടാന ആക്രമണമുണ്ടായത്. മണിയാർ– കട്ടച്ചിറ റൂട്ടിൽ എട്ടാം ബ്ലോക്കിനു സമീപമാണു കാട്ടാനക്കൂട്ടം ഇറങ്ങിയത്. ബൈക്കിൽ സഞ്ചരിക്കുകയായിരുന്ന കട്ടച്ചിറ സ്വദേശികളായ രഞ്ജു (25), ഉണ്ണി (20) എന്നിവർ പരുക്കുകളോടെ രക്ഷപ്പെട്ടു.

ഇടുക്കിയിൽ ചിന്നക്കനാൽ 301 കോളനിയിൽ ഗോപി നാഗൻ എന്നയാളുടെ വീട് കാട്ടാന തകർത്തു. ചക്കക്കൊമ്പനാണു വീടു തകർത്തതെന്ന് ആദിവാസികൾ പറഞ്ഞു.