റമദാൻ വ്രതം: ഊർജസ്വലതയോടെ നോമ്പ് അനുഷ്ഠിക്കാൻ ഈ ഭക്ഷണങ്ങൾ ശീലമാക്കാം

ലോകമെമ്പാടുമുള്ള ഇസ്ലാം മതവിശ്വാസികളുടെ റമദാൻ വ്രതം തുടങ്ങി. മാർച്ച് 10 ന് സൗദി അറേബ്യയിൽ പിറ കണ്ടതോടെ ഇന്ത്യയിൽ മാർച്ച് 12 ന് റമദാൻ മാസവ്രതം ആരംഭിച്ചു. ഇസ്ലാമിക് ചാന്ദ്ര കലണ്ടറിലെ ഒമ്പതാം മാസമായ റമദാൻ – റംസാൻ, റമസാൻ (Ramazan) എന്നെല്ലാം അറിയപ്പെടുന്നു. ഒന്നിച്ചുള്ള ഭക്ഷണം, പ്രാർത്ഥന, ആത്മപരിശോധന, ഉപവാസം എന്നിവയെല്ലാം റമദാൻ നാളുകളുടെ പ്രത്യേകതയാണ്.

ഒരു മാസത്തോളം നീണ്ടുനിൽക്കുന്ന റമദാൻ വ്രതം ഈദ് അൽ – ഫിത്തർ എന്ന പെരുന്നാൾ ദിനത്തോടുകൂടിയാണ് അവസാനിക്കുന്നത്. സൂര്യോദയം മുതൽ സൂര്യാസ്തമനം വരെ വിശ്വാസികൾ ഉപവസിക്കുന്നു. ഇഫ്താർ എന്ന ഭക്ഷണത്തോട് കൂടി ഉപവാസം അവസാനിക്കും. ഭക്ഷണവും വെള്ളവും ഉപേക്ഷിച്ചുകൊണ്ടുള്ള വ്രതദിനങ്ങളിൽ ഊർജസ്വലതയോടെ നോമ്പ് അനുഷ്ഠിക്കാൻ സഹായിക്കുന്ന ഭക്ഷണങ്ങൾ അത്യന്താപേക്ഷിതമാണ്.

പാലും, നട്സും: പാലിൽ കാൽസ്യം ധാരാളമായി അടങ്ങിയിട്ടുള്ളതിനാൽ അസ്ഥികളുടെ ബലത്തിന് ഇത് സഹായിക്കുന്നു. നട്സിനോടൊപ്പം പാൽ ചേർത്ത് കഴിക്കുന്നത് ശരീരത്തിൽ ഊർജം നില നിർത്താൻ സഹായിക്കും.

ഈന്തപ്പഴം: പ്രകൃതിദത്തമായ പഞ്ചസാര അടങ്ങിയിട്ടുള്ളതിനാൽ രക്തത്തിലെ പഞ്ചസാരയുടെ അളവ് നിയന്ത്രിക്കാൻ ഈന്തപ്പഴം സഹായിക്കുന്നു.

ഡ്രൈഡ് ഫ്രൂട്സ്: ആപ്രിക്കോട്ട്, ഉണക്കമുന്തിരി തുടങ്ങിയവയിൽ പ്രകൃതിദത്തമായ പഞ്ചസാരയും, നാരുകളും അടങ്ങിയിട്ടുള്ളതിനാൽ ശരീരത്തിനാവശ്യമായ ഊർജം നിലനിർത്താൻ സഹായിക്കും.

നട്സ്, സീഡ്‌സ്: നട്സിലും സീഡുകളിലും കൊഴുപ്പും, പ്രോട്ടീനും, നാരുകളും ധാരാളം അടങ്ങിയിട്ടുണ്ട്. ബദാം, വാൽനട്ട്, കശുവണ്ടി എന്നിവയെല്ലാം ലഘുഭക്ഷണമായി കഴിക്കാം.

എനർജി ബാൾസ്: ഈന്തപ്പഴം, നട്സ്, ഡ്രൈ ഫ്രൂട്ട്സ് എന്നിവ ചേർത്ത് കഴിക്കുന്നതിലൂടെ ദിവസം മുഴുവൻ സ്ഥിരമായ ഊർജം നിലനിർത്താൻ കഴിയും. പോഷകസമൃദ്ധമായ ഒരു ലഘു ഭക്ഷണമായും ഇത് ഉപയോഗിക്കാം.