പൗ​ര​ത്വ നി​യ​മ ഭേ​ദ​ഗ​തി പ്രാബല്യത്തിൽ; വി​ജ്ഞാ​പ​നം പു​റ​ത്തി​റ​ക്കി

ന്യൂ​ഡ​ൽ​ഹി: പൗ​ര​ത്വ നി​യ​മ ഭേ​ദ​ഗ​തി വി​ജ്ഞാ​പ​നം പു​റ​ത്തി​റ​ക്കി. കേ​ന്ദ്ര ആ​ഭ്യ​ന്ത​ര മ​ന്ത്രാ​ല​യ​മാ​ണ് ഇ​തു​സം​ബ​ന്ധി​ച്ച് വി​ജ്ഞാ​പ​ന​മി​റ​ക്കി​യ​ത്. ച​ട്ട​ങ്ങ​ൾ അ​ട​ക്കം വ്യ​ക്ത​മാ​ക്കി​ക്കൊ​ണ്ടാ​ണ് കേ​ന്ദ്ര​സ​ര്‍​ക്കാ​ര്‍ വി​ജ്ഞാ​പ​ന​മി​റ​ക്കി​യ​ത്. 1955ലെ നിയമം ഭേദഗതി ചെയ്തുകൊണ്ടുള്ള നിയമം നിലവില്‍ വന്നിരുന്നു. എന്നാല്‍ ഇതിനെതിരെ ഉയര്‍ന്ന ശക്തമായ പ്രതിഷേധങ്ങളുടെ പശ്ചാത്തലത്തില്‍ ചട്ടങ്ങള്‍ പുറപ്പെടുവിക്കുന്ന നടപടികള്‍ വൈകുകയായിരുന്നു. ഈ നടപടികള്‍ പൂര്‍ത്തീകരിച്ചാണ്   വിജ്ഞാപനം പുറത്തുവന്നിരിക്കുന്നത്.

ലോക്സഭ തെരഞ്ഞെടുപ്പിന്‍റെ പെരുമാറ്റച്ചട്ടം നിലവിൽ വരുന്നതിന് മുമ്പ് തന്നെ പൗരത്വ നിയമഭേദഗതി ചട്ടങ്ങൾ വിജ്ഞാപനം ചെയ്യുകയായിരുന്നു ലക്ഷ്യം. ഫെബ്രുവരി അവസാന വാരം തന്നെ ഇതുസംബന്ധിച്ച വിവരങ്ങൾ പുറത്തുവന്നിരുന്നു. മാ​ർ​ച്ച് ആ​ദ്യ​വാ​രത്തിൽ സി.​എ.​എ കേ​ന്ദ്ര​സ​ർ​ക്കാ​ർ ന​ട​പ്പാ​ക്കി​യേ​ക്കു​​മെ​ന്നും ഇ​തി​നാ​യു​ള്ള ഓ​ൺ​ലൈ​ൻ പോ​ർ​ട്ട​ൽ സ​ജ്ജ​മാ​യ​താ​യും ട്ര​യ​ൽ റ​ൺ ന​ട​ക്കു​ന്ന​താ​യു​മുള്ള വിവരങ്ങളാണ് പുറത്തുവന്നിരുന്നു. മാത്രമല്ല, ലോക്‌സഭാ തെരഞ്ഞെടുപ്പിന് മുമ്പ് തന്നെ സി.എ.എയുടെ ചട്ടങ്ങൾ പുറപ്പെടുവിച്ച് നടപ്പാക്കുമെന്ന് ആഭ്യന്തര മന്ത്രി അമിത് ഷാ പറഞ്ഞിരുന്നു.

പാകിസ്താന്‍, ബംഗ്ലാദേശ്, അഫ്ഗാനിസ്ഥാന്‍ എന്നീ രാജ്യങ്ങളിലെ ആറ് ന്യൂനപക്ഷ മതവിഭാഗങ്ങളില്‍പ്പെട്ട അംഗങ്ങള്‍ക്ക് ഇന്ത്യയില്‍ കഴിഞ്ഞ 11 വര്‍ഷത്തോളമായി താമസിക്കുന്നവര്‍ക്ക് പൗരത്വം നല്‍കുമെന്നാണ് കേന്ദ്രസര്‍ക്കാര്‍ നിയമവുമായി ബന്ധപ്പെട്ട് സൂചിപ്പിച്ചിരുന്നത്. എന്നാല്‍ ഈ രാജ്യങ്ങളിലെ ഭൂരിപക്ഷ വിഭാഗത്തില്‍പ്പെടുന്നവര്‍ ഇന്ത്യയില്‍ കഴിയുന്നുണ്ട്. ഇവര്‍ക്ക് പൗരത്വം ലഭ്യമാക്കാന്‍ നിയമത്തില്‍ വ്യവസ്ഥയില്ലെന്നാണ് നിയമഭേദഗതിയ്‌ക്കെതിരെ ഉയരുന്ന പ്രധാന വിമര്‍ശനം.

2019 ലാ​ണ് പൗ​ര​ത്വ നി​യ​മം പാ​ർ​ല​മെ​ൻ​ഡ് പാ​സാ​ക്കി​യ​ത്. ലോ​ക്സ​ഭാ തെ​ര​ഞ്ഞെ​ടു​പ്പ് അ​ടു​ത്തി​രി​ക്കെ​യാ​ണ് ഈ ​വി​ഷ​യ​ത്തി​ൽ കേ​ന്ദ്ര​സ​ര്‍​ക്കാ​രി​ന്‍റെ നി​ര്‍​ണാ​യ​ക നീ​ക്കം. വി​ഷ​യം തെ​ര​ഞ്ഞെ​ടു​പ്പി​ൽ മു​ഖ്യ പ്ര​ച​ര​ണാ​യു​ധ​മാ​ക്കാ​നാ​ണ് ബി​ജെ​പി​യു​ടെ നീ​ക്കം. തെ​ര​ഞ്ഞെ​ടു​പ്പി​ന് മു​മ്പ് സി​എ​എ ന​ട​പ്പാ​ക്കു​മെ​ന്നും ആ​ർ​ക്കും അ​ക്കാ​ര്യ​ത്തി​ൽ സം​ശ​യം വേ​ണ്ടെ​ന്നും നേ​ര​ത്തേ കേ​ന്ദ്ര​മ​ന്ത്രി അ​മി​ത് ഷാ ​പ​റ​ഞ്ഞി​രു​ന്നു.