ബിജെപിയെ എതിർക്കാൻ സിപിഎമ്മിനു മാത്രമേ കഴിയുള്ളുവെന്ന് ലീഗിലെ ഒരു വിഭാഗം

മു​സ്‌​ലിം ലീ​ഗി​ന്‍റെ മൂ​ന്നാം സീ​റ്റ് ന​ഷ്ടം ലോ​ക്സ​ഭാ തെ​ര​ഞ്ഞെ​ടു​പ്പി​ൽ മ​ല​ബാ​റി​ല്‍ പ്ര​ചാ​ര​ണ ആ​യു​ധ​മാ​ക്കാ​ന്‍ സി​പി​എം തീരുമാനം . രാ​ജ്യ​സ​ഭാ സീ​റ്റ് ന​ല്‍​കി ലീ​ഗി​നെ ഒ​തു​ക്കു​ക​യാ​യി​രു​ന്നു​വെ​ന്നും സീ​റ്റ് വി​ഭ​ജ​ന​ത്തി​ല്‍ കാ​ലാ​കാ​ല​ങ്ങ​ളാ​യി ലീ​ഗി​നെ കോ​ണ്‍​ഗ്ര​സ് ക​ബ​ളി​പ്പി​ച്ചു​കൊ​ണ്ടി​രി​ക്കു​ക​യാ​ണെ​ന്നു​മാ​ണ് സി​പി​എം ഉയർത്തുന്ന പ്രചാരണ ആയുധം .

സി​പി​എം സം​സ്ഥാ​ന സെ​ക്ര​ട്ടേ​റി​യ​റ്റി​ലെ ആ​ലോ​ച​ന​യ​നു​സ​രി​ച്ചാ​ണ് ലീ​ഗ് വി​ഷ​യ​ത്തി​ൽ പ്ര​ധാ​ന സി​പി​എം നേ​താ​ക്ക​ളെ​ല്ലാം അഭിപ്രായം പറയുന്ന​ത്. യു​ഡി​എ​ഫ് വി​ട​ണ​മെ​ന്ന് ആ​ഗ്ര​ഹി​ക്കു​ന്ന ലീ​ഗ് നേ​താ​ക്ക​ളു​ടെ​യും പ്ര​വ​ർ​ത്ത​ക​രു​ടെ​യും പി​ന്തു​ണ നേ​ടു​കയാ​ണു സിപിഎമ്മിന്റെ ല​ക്ഷ്യം.

ലീ​ഗി​ല്‍​ നി​ന്നു ചോ​രാ​ന്‍ ഇ​ട​യു​ള്ള മു​ഴു​വ​ന്‍ വോ​ട്ടു​ക​ളും സ​മാ​ഹ​രി​ക്കാ​നാ​ണ് ലീ​ഗ് മു​ന്‍ നേ​താ​വും സ​മ​സ്ത​യു​മാ​യി ഏ​റെ അ​ടു​പ്പ​മു​ള്ള നേ​താ​വു​മാ​യ കെ.​എ​സ്. ഹം​സ​യെ സ്ഥാ​നാ​ര്‍​ഥി​യാ​ക്കി​യ​ത് . മു​ൻ തെ​ര​ഞ്ഞെ​ടു​പ്പു​ക​ളെ അ​പേ​ക്ഷി​ച്ച് ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പി​ൽ മ​ല​ബാ​റി​ല്‍ മു​സ്‌​ലിം സ​മു​ദാ​യം വ​ലി​യ​തോ​തി​ൽ സി​പി​എ​മ്മി​ന് പി​ന്നി​ൽ നി​ര​ന്നു.

ബിജെപിയെയും സംഘപരിവാറിനെയും നേരിടാൻ സിപിഎമ്മിനും ഇടതുമുന്നണിയ്ക്കും മാത്രമേ കഴിയുകയുള്ളുവെന്ന തിരിച്ചറിവിലാണ് മുസ്ലിം സമുദായം . ആ തിരിച്ചറിവാണ് കഴിഞ്ഞ തെരഞ്ഞെടുപ്പിൽ പ്രതിഫലിച്ചത് .

അതിലും കൂടുതൽ പ്രതികരണം ഈ ലോക്സഭാ തെരഞ്ഞെടുപ്പിൽ എൽ ഡി എഫിനുണ്ടാകും . മാത്രമല്ല ലീഗ് അത് തിരിച്ചറിയുന്നുമുണ്ട് . അതുകൊണ്ട് തന്നെയാണ് മൂന്നാം സീറ്റിൽ ലീഗ് പിടിമുറുക്കിയത് . ലീഗ് യു ഡി എഫ് വിട്ടു വന്നാൽ ഉറപ്പായും സിപിഎം മൂന്ന് സീറ്റ് നൽകും . ആ ഒരു സന്ദേശമാണ് ലീഗിനുള്ളിൽ വഴിമരുന്നിട്ടത് .

ക​ഴി​ഞ്ഞ ത​ദ്ദേ​ശ തെ​ര​ഞ്ഞെ​ടു​പ്പി​ലും നി​യ​മ​സ​ഭാ തെ​ര​ഞ്ഞെ​ടു​പ്പി​ലും പാ​ർ​ട്ടി സ്ഥാ​നാ​ർ​ഥി​ത്വം നി​ഷേ​ധി​ച്ച​തി​ൽ ഇ​പ്പോ​ഴും മു​റു​മു​റു​ക്കു​ന്ന നി​ര​വ​ധി നേ​താ​ക്ക​ൾ ലീ​ഗി​ലു​ണ്ട്. ഔ​ദ്യോ​ഗി​ക നേ​തൃ​ത്വ​ത്തെ എ​തി​ർ​ക്കു​ന്ന ഇ​ത്ത​ര​ക്കാ​രെ ല​ക്ഷ്യ​മി​ടു​ക എ​ന്ന ത​ന്ത്ര​മാ​ണ് സി​പി​എം പ​യ​റ്റു​ന്ന​ത്.

അ​തി​നി​ട​യ്ക്ക് വീ​ണു​കി​ട്ടി​യ​താ​ണ് മൂ​ന്നാം സീ​റ്റ് വി​വാ​ദം. ഇത് പരമാവധി പ്രയോജനപ്പെടുത്താനാണ് സിപിഎം ശ്രമം .