കുടലിൻ്റെ ആരോഗ്യം മോശമാകുന്നത് ഈ രോ​ഗത്തിനുള്ള സാധ്യത വർദ്ധിപ്പിക്കുന്നു ; പഠനം

കുടലിൻ്റെ ആരോഗ്യം മോശമാകുന്നത് ഉയർന്ന രക്തസമ്മർദ്ദത്തിനുള്ള സാധ്യത വർദ്ധിപ്പിക്കുന്നതായി പഠനം.
രക്താതിമർദ്ദം അല്ലെങ്കിൽ ഉയർന്ന രക്തസമ്മർദ്ദം ലോകമെമ്പാടുമുള്ള പലരെയും അലട്ടുന്ന ഒരു പ്രശ്നമാണ്. ഹൃദയാരോഗ്യം, കൊളസ്ട്രോൾ, സമ്മർദ്ദം, ഉത്കണ്ഠ, പൊണ്ണത്തടി അല്ലെങ്കിൽ പുകവലി തുടങ്ങിയ ഘടകങ്ങൾ രക്തസമ്മർദ്ദത്തിനുള്ള സാധ്യത വർദ്ധിപ്പിക്കുന്നതായി പഠനങ്ങൾ പറയുന്നു. കുടലിലെ ചില ദോഷകരമായ ബാക്ടീരിയകൾക്ക് രക്തസമ്മർദ്ദം വർദ്ധിപ്പിക്കാനാകുമെന്ന് വി​ദ​ഗ്ധർ പറയുന്നു.ആരോഗ്യകരമായ ഗട്ട് ബാക്ടീരിയയുടെ അഭാവം മൂലം വർദ്ധിച്ചുവരുന്ന ഉത്കണ്ഠ ഉയർന്ന രക്തസമ്മർദ്ദത്തിന് കാരണമാകുന്നു. ആരോഗ്യകരമായ ബാക്ടീരിയയുടെ കുറവ് കുടലിൽ ദോഷകരമായ ബാക്ടീരിയകൾക്ക് വഴിയൊരുക്കുമെന്ന് എംഡിപിഐയുടെ ജേണലായ ‘ന്യൂട്രിയൻ്റ്‌സ്’ പ്രസിദ്ധീകരിച്ച പഠനത്തിൽ പറയുന്നു.

കുടലിൻ്റെ ആരോഗ്യം വർദ്ധിപ്പിക്കുന്നതിനുള്ള ജീവിതശൈലി മാറ്റങ്ങൾ…

സംസ്കരിച്ച ഭക്ഷണങ്ങളും പഞ്ചസാരയും പരിമിതപ്പെടുത്തുക : ഉയർന്ന സംസ്കരിച്ച ഭക്ഷണങ്ങളും അമിതമായ പഞ്ചസാരയുടെ ഉപഭോഗവും കുടൽ ബാക്ടീരിയയെ പ്രതികൂലമായി ബാധിക്കും.
ധാരാളം വെള്ളം കുടിക്കുക : ആവശ്യത്തിന് വെള്ളം കുടിക്കുന്നത് കുടലിൻ്റെ ആരോഗ്യം നിലനിർത്താൻ അത്യന്താപേക്ഷിതമാണ്. ദഹനത്തിനും പോഷകങ്ങൾ ആഗിരണം ചെയ്യുന്നതിനും ദഹനനാളത്തിൻ്റെ മൊത്തത്തിലുള്ള പ്രവർത്തനത്തിനും വെള്ളം സഹായിക്കുന്നു.

പതിവ് വ്യായാമം: ശാരീരിക പ്രവർത്തനങ്ങൾ ആരോഗ്യകരമായ ഗട്ട് മൈക്രോബയോമുമായി ബന്ധപ്പെട്ടിരിക്കുന്നു. പതിവ് വ്യായാമം വൈവിധ്യമാർന്ന ഗട്ട് ബാക്ടീരിയകളെ പ്രോത്സാഹിപ്പിക്കുന്നു. രക്തസമ്മർദ്ദം നിയന്ത്രിക്കുന്നതുൾപ്പെടെ മൊത്തത്തിലുള്ള മെച്ചപ്പെട്ട ആരോഗ്യത്തിന് വെള്ളം സഹായകമാണ്.

സമ്മർദ്ദം നിയന്ത്രിക്കുക: വിട്ടുമാറാത്ത സമ്മർദ്ദം കുടലിന്റെ ആരോ​ഗ്യത്തെ പ്രതികൂലമായി ബാധിക്കുകയും കുടൽ ബാക്ടീരിയകളുടെ സന്തുലിതാവസ്ഥയെ തടസ്സപ്പെടുത്തുകയും ചെയ്യും. ധ്യാനം, ആഴത്തിലുള്ള ശ്വസന വ്യായാമങ്ങൾ എന്നിവ സമ്മർദ്ദം കുറയ്ക്കുന്നതിന് സഹായിക്കുന്നു.

ആരോഗ്യകരമായ ഗട്ട് മൈക്രോബയോമിനെ വളർത്തുന്ന ശീലങ്ങൾ സ്വീകരിക്കുന്നതിലൂടെ രക്തസമ്മർദ്ദ നിയന്ത്രണത്തിനും മൊത്തത്തിലുള്ള ആരോ​ഗ്യത്തിനും നല്ലതാണ്. സമീകൃതാഹാരം സ്വീകരിക്കുക, വ്യായാമം ചെയ്യുക, സ്ട്രെസ് അകറ്റുക എന്നിവ കുടലിൻ്റെ ആരോഗ്യത്തിന് മാത്രമല്ല, രക്തസമ്മർദ്ദം നിയന്ത്രിക്കുന്നതിനും പ്രധാന പങ്ക് വഹിക്കുന്നു.