നിയമ ബോധവത്ക്കരണ ക്ലാസ് സംഘടിപ്പിച്ചു

പാലക്കാട്: തച്ചനാട്ടുകര ഗ്രാമപഞ്ചായത്തിന്റെയും മണ്ണാര്‍ക്കാട് ലീഗല്‍ എയ്ഡ് സൊസൈറ്റിയുടെയും സംയുക്താഭിമുഖ്യത്തില്‍ നിയമ ബോധവത്ക്കരണ ക്ലാസ് സംഘടിപ്പിച്ചു. ആശ വര്‍ക്കര്‍മാര്‍, അങ്കണവാടി പ്രവര്‍ത്തകര്‍, കുടുംബശ്രീ പ്രവര്‍ത്തകര്‍ എന്നിവര്‍ക്കായാണ് ക്ലാസുകള്‍ സംഘടിപ്പിച്ചത്.

ഗാര്‍ഹിക പീഡനം, ശൈശവ വിവാഹം, പോക്‌സോ, സ്ത്രീധന നിരോധന നിയമം തുടങ്ങിയവയെ കുറിച്ചുള്ള നിയമങ്ങള്‍ സംബന്ധിച്ച് അഡ്വ. നൗഷാദ് ബോധവത്ക്കരണം നടത്തി. തച്ചനാട്ടുകര ഗ്രാമപഞ്ചായത്ത് ഹാളില്‍ നടന്ന പരിപാടി ഗ്രാമ പഞ്ചായത്ത് പ്രസിഡന്റ് കെ.പി.എം സലീം ഉദ്ഘാടനം ചെയ്തു.

ഗ്രാമപഞ്ചായത്ത് വൈസ് പ്രസിഡന്റ് പാര്‍വ്വതി ഹരിദാസ് അധ്യക്ഷയായ പരിപാടിയില്‍ ഗ്രാമപഞ്ചായത്തംഗങ്ങളായ പി. രാധാകൃഷ്ണന്‍, ഇ.എം നവാസ്, എം.സി രമണി, എ.കെ വിനോദ്, ബിന്ദു കൊങ്ങത്ത്, പി.ടി സഫിയ, പി.എം ബിന്ദു, പി. കുഞ്ഞലവി, കെ.പി കുഞ്ഞുമുഹമ്മദ്, കരിമ്പനക്കല്‍ ഹംസ, രജനിപ്രിയ, ആശാവര്‍ക്കര്‍മാര്‍, അങ്കണവാടി വര്‍ക്കര്‍മാര്‍, പൊതുപ്രവര്‍ത്തകര്‍, കുടുംബശ്രീ പ്രവര്‍ത്തകര്‍ തുടങ്ങിയവര്‍ പങ്കെടുത്തു.