ലഹരി വിരുദ്ധ പ്രവർത്തനങ്ങൾക്കെതിരെ നടത്തിയ ഓപ്പറേഷനിൽ 277ഗ്രാം മയക്കുമരുന്ന് പിടിച്ചെടുത്ത് അസം റൈഫിൾസ്

ലഹരി വിരുദ്ധ പ്രവർത്തനങ്ങൾക്കെതിരെ നടത്തിയ ഓപ്പറേഷനിൽ 277ഗ്രാം മയക്കുമരുന്ന് പിടിച്ചെടുത്ത് അസം റൈഫിൾസ്. ഇതിന് അന്താരാഷ്‌ട്ര വിപണിയിൽ 1,93,90,000 രൂപ വിലമതിപ്പുണ്ട്. സംഭവത്തിൽ മൂന്ന് പേരെ പിടികൂടിയെന്ന് അസം റൈഫിൾസ് പുറത്തുവിട്ട വാർത്താ കുറിപ്പിൽ അറിയിച്ചു. ബിക്ക മ്യാൻമാർ സ്വദേശികളായ മൂന്ന് യുവാക്കളാണ് പിടിയിലായത്.

സിയാഹ ജില്ലയുടെ വിവിധ പ്രദേശങ്ങളിൽ വൻതോതിൽ മയക്കുമരുന്ന് കടത്ത് നടക്കുന്നതായി അസം റൈഫിൾസിന് വിവരം ലഭിച്ചിരുന്നു. ഇതിന്റെ അടിസ്ഥാനത്തിൽ നടത്തിയ നീക്കത്തിലാണ് പ്രതികൾ പിടിയിലായത്. ഫെബ്രുവരി 22 ന് നടത്തിയ പരിശോധനയിൽ ചമ്പായി ജില്ലയിൽ നിന്ന് അനധികൃതമായി കടത്താൻ ശ്രമിച്ച 136 വിദേശ ബിയർ കേസുകൾ അസം റൈഫിൾസ് പിടിച്ചെടുത്തിരുന്നു.