കർണാടകത്തിലെ ആറ് വന്യജീവിസങ്കേതങ്ങളെ പരിസ്ഥിതി ലോലമേഖലയാക്കണമെന്നാവശ്യപ്പെട്ട് ശുപാർശ

കർണാടകത്തിലെ ആറ്് വന്യജീവിസങ്കേതങ്ങളെ പരിസ്ഥിതി ലോലമേഖലയാക്കണമെന്നാവശ്യപ്പെട്ട് കേന്ദ്ര സർക്കാരിന് ശുപാർശ നൽകാൻ സർക്കാർ തീരുമാനിച്ചു. നാഗർഹോളെ, കാവേരി, ഉത്തരകന്നഡയിലെ കാളി, തുമകൂരുവിലെ ബുക്കപട്ടണ, കോലാറിലെ കാമസാന്ദ്ര, ഗദകിലെ കപ്പടഗുഡ്ഡ എന്നിവയാണ് ഈ വന്യജീവി സങ്കേതങ്ങൾ. പദ്ധതിയുമായി ബന്ധപ്പെട്ട് രൂപവത്കരിച്ച മന്ത്രിസഭാ ഉപസമിതിയുടെ തീരുമാനപ്രകാരമാണിത്.