രാജ്യത്ത് ലോക്‌സഭാ തിരഞ്ഞെടുപ്പിന്റെ തീയതികൾ മാർച്ച് 13-ന് ശേഷം പ്രഖ്യാപിക്കും

രാജ്യത്ത് ലോക്‌സഭാ തിരഞ്ഞെടുപ്പിന്റെ തീയതികൾ മാർച്ച് 13-ന് ശേഷം പ്രഖ്യാപിക്കുമെന്ന് തിരഞ്ഞെടുപ്പ് കമ്മിഷൻ വൃത്തങ്ങൾ സൂചന നൽകി.പൊതുതിരഞ്ഞെടുപ്പിനുള്ള ഒരുക്കങ്ങൾ വിലയിരുത്തുന്നതിനായി കമ്മിഷൻ വിവിധസംസ്ഥാനങ്ങൾ സന്ദർശിച്ചുവരുകയാണ്. അത് പൂർത്തിയാകുന്നമുറയ്ക്ക് തീയതി പ്രഖ്യാപിക്കാനാണ് ഉദ്ദേശിക്കുന്നത്. നിലവിൽ കമ്മിഷൻ ഉദ്യോഗസ്ഥർ തമിഴ്‌നാട് സന്ദർശനത്തിലാണ്. അതിനുശേഷം ഉത്തർപ്രദേശിലും ജമ്മു-കശ്മീരിലുമെത്തും. മാർച്ച് 13-ന്‌ മുൻപുതന്നെ സംസ്ഥാന സന്ദർശനങ്ങൾ പൂർത്തിയാക്കാനാണ് ലക്ഷ്യമിടുന്നത്.