താങ്ങുവില നിശ്ചയിക്കുന്ന രീതിമൂലം തങ്ങൾക്ക് നഷ്ടം മാത്രമാണെന്ന് കർഷകർ

സ്വാമിനാഥൻ കമ്മിഷൻ ശുപാർശചെയ്തപ്രകാരം മൊത്തം ഉത്‌പാദനച്ചെലവിനൊത്ത താങ്ങുവില നിശ്ചയിച്ച് നിയമപരിരക്ഷയുറപ്പാക്കണമെന്നതാണ് ഇപ്പോൾ സമരത്തിലുള്ളവരടക്കം കർഷകസംഘടനകളൊന്നാകെ ആവശ്യപ്പെടുന്നത്. മൊത്തം ഉത്‌പാദനച്ചെലവെന്നാൽ കർഷകന്റെ ചെലവ്, വിത്ത്, വളം, കീടനാശിനി, നടീൽ, കൊയ്ത്ത്, ജലസേചനം, കൂലി, ഭൂമിയുടെ പാട്ടത്തുക, യന്ത്രങ്ങളുടെ ചെലവ് എന്നിവയെല്ലാം ചേർന്നതാണ്. സി ടു എന്നാണിതിനെ പറയുന്നത്.