സമരരംഗത്തിറങ്ങിയ കർഷകരുടെ സാമൂഹികമാധ്യമ അക്കൗണ്ടുകൾ പ്രവർത്തനരഹിതമാക്കിയതായി കോൺഗ്രസ്

സമരരംഗത്തിറങ്ങിയ കർഷകരുടെയും പിന്തുണപ്രഖ്യാപിച്ച സാമൂഹികപ്രവർത്തകരുടെയും 142 സാമൂഹികമാധ്യമ അക്കൗണ്ടുകൾ കേന്ദ്ര ഐ.ടി. മന്ത്രാലയം പ്രവർത്തനരഹിതമാക്കിയതായി കോൺഗ്രസ് ആരോപിച്ചു. 35 ഫെയ്സ് ബുക്ക്, 14 ഇൻസ്റ്റഗ്രാം, 42 എക്‌സ്, ഒരു സ്നാപ്പ് ചാറ്റ്, ഒരു റെഡ്ഡിറ്റ് അക്കൗണ്ടുകളും 49 എക്സ് ലിങ്കുകളും കേന്ദ്രം തടഞ്ഞതായി കോൺഗ്രസ് മാധ്യമവിഭാഗം മേധാവി പവൻ ഖേഡ പത്രസമ്മേളനത്തിൽ പറഞ്ഞു.